თბილისის N143 საჯარო სკოლის მოსწავლეებმა დედაენის დღეს გრაფიკული ნამუშევრები მიუძღვნეს. 

„დედაენის დღე ყველა ქართველისათვის მნიშვნელოვანია, ჩვენი სკოლის მეხუთე კლასის მოსწავლეებმა გადაწყვიტეს თავიანთი დამოკიდებულება ამ დღისადმი ასეთი ფორმით გამოეხატათ და შეასრულეს გრაფიკული ნამუშევრები“,- აღნიშნულია სკოლის მიერ მოწოდებულ ინფორმაციაში. 

მოსწავლეთა პედაგოგი ლალი ყეინაშვილი გახლავთ. 

14 აპრილს, საქართველოში დედაენის დღე აღინიშნება. ეს დღე 1990 წელს, 1978 წლის 14 აპრილის მოვლენების აღსანიშნავად, დაწესდა. 

1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების თანახმად, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა.

საბჭოთა კავშირის ხელისუფლებამ გააცნობიერა‚ რომ მხოლოდ ორი გამოსავალი იყო - სისხლისღვრა ან დათმობა და მოსკოვი იძულებული შეიქმნა დაეთმო. ამ მოვლენების გამო 14 აპრილი არაოფიციალურად დედაენის დღედ გამოცხადდა.

იხილეთ ფოტოები