21 აპრილს, ჭიათურის მუნიციპალიტეტის სოფელ დარკვეთის საჯარო სკოლაში, „ახალი სკოლის მოდელის“ ფარგლებში, საინტერესო პროექტი განხორციელდა.

სამოქალაქო განათლების მასწავლებელმა და მე-7 კლასის მოსწავლეებმა დაგეგმეს პროექტი - „სიკეთე გადამდებია“. 

პროექტში მთელი სკოლის მოსწავლეები და პედაგოგები ჩაერთნენ. მათ მზაობა გამოთქვეს, თავიანთ ოჯახებთან ერთად, აღდგომის ბრწყინვალე დღესასწაულთან დაკავშირებით, სამ მარტოხელა მოხუცს დახმარებოდნენ.

ბენეფიციარები მოსწავლეთა თვითმმართველობამ შეარჩია.

„დარკვეთის საჯარო სკოლა მადლობას უხდის თითოეული მოსწავლის ოჯახს უანგარო დახმარებისთვის. სიკეთე გადამდებია“,- აღნიშნულია სკოლის მიერ მოწოდებულ ინფორმაციაში. 

იხილეთ ფოტოები