ბოლნისის, საქართველოს საპატრიარქოს წმინდა იოანე ბოლნელის სახელობის სკოლაში დედამიწის საერთაშორისო დღის აღსანიშნავი კვირეული გაიმართა.  კვირეულის ფარგლებში გაიმართა აქტივობა სახელწოდებით - „პლანეტები ულოცავენ დაღლილ დედამიწას დედამიწის დღეს“.

მოსწავლეებმა ერთმანეთს ხელები ჩასჭიდეს, შეკრეს წრე და განასახიერეს პლანეტები. 

ღონისძიება მხიარულებით, გუნდურობითა და ფერადოვნებით გამოირჩეოდა.

22 აპრილი დედამიწის საერთაშორისო დღეა. ის მსოფლიოში ერთ-ერთი ყველაზე მასშტაბური გარემოსდაცვითი ღონისძიებაა, რომელშიც ყოველ წელს მსოფლიოს 192 ქვეყნის სხვადასხვა ორგანიზაცია და მილიონობით მოხალისე მონაწილეობს.

1970 წელს სანტა ბარბარას საბადოდან ნავთობის დაღვრას შედეგად ოკეანის დაბინძურება და წყლის ბინადართა განადგურება მოჰყვა. ამერიკელი გარემოსდამცველი სენატორის, გეილორდ ნელსონის მოწოდებას, დაეცვათ დედამიწა, 20 მილიონი ადამიანი შეურთდა. მას შემდეგ, დედამიწის დღე ყოველწლიურად 22 აპრილს აღინიშნება.საქართველო „დედამიწის დღეს“ 1990 წლიდან სხვადასხვა გარემოსდაცვით ღონისძიებით აღნიშნავს.

იხილეთ ვიდეო და ფოტოები