ხულოს მუნიციპალიტეტის სოფელ სკვანის საჯარო სკოლის გეოგრაფიის მასწავლებელმა, ნონა ხალვაშმა დედამიწის საერთაშორისო დღესთან დაკავშირებით ღონისძიება ჩაატარა. 

მოსწავლეებმა გარემოსდაცვით თემაზე შესრულებული ნამუშევრები გამოფინეს. 

გაიმართა პრეზენტაცია თემაზე - „მეტი ხე, მეტი სუფთა ჰაერი“.

22 აპრილი დედამიწის საერთაშორისო დღეა. ის მსოფლიოში ერთ-ერთი ყველაზე მასშტაბური გარემოსდაცვითი ღონისძიებაა, რომელშიც ყოველ წელს მსოფლიოს 192 ქვეყნის სხვადასხვა ორგანიზაცია და მილიონობით მოხალისე მონაწილეობს.

1970 წელს სანტა ბარბარას საბადოდან ნავთობის დაღვრას შედეგად ოკეანის დაბინძურება და წყლის ბინადართა განადგურება მოჰყვა. ამერიკელი გარემოსდამცველი სენატორის, გეილორდ ნელსონის მოწოდებას, დაეცვათ დედამიწა, 20 მილიონი ადამიანი შეურთდა. მას შემდეგ, დედამიწის დღე ყოველწლიურად 22 აპრილს აღინიშნება.საქართველო „დედამიწის დღეს“ 1990 წლიდან სხვადასხვა გარემოსდაცვით ღონისძიებით აღნიშნავს.

იხილეთ ფოტოები