ზესტაფონის N2 საჯარო სკოლაში, „ახალი სკოლის მოდელის“ ფარგლებში,  აღინიშნა დედამიწის საერთაშორისო დღე. სკოლა ახორციელებს პროექტს „გარემოს დაცვა“ და  V „ა“ კლასის მოსწავლეებმა მონაწილეობა მიიღეს აქტივობაში - „ნარჩენების მართვა“.

ბავშვებმა უკვე გამოყენებულ ნივთებს შთაბერეს მეორე სიცოცხლე და მოაწყვეს საკუთარი ნამუშევრების გამოფენაც.

ამ აქტივობით კი, მოსწავლეები კიდევ ერთხელ დარწმუნდნენ, რამდენად მნიშვნელოვანია გარემოს დაცვა ჯანმრთელობის შენარჩუნებისთვის.

დედამიწის საერთაშორისო დღე მსოფლიოში ერთ-ერთი ყველაზე მასშტაბური გარემოსდაცვითი ღონისძიებაა, რომლშიც ყოველ წელს მსოფლიოს 192 ქვეყნის სხვადასხვა ორგანიზაცია და მილიონობით მოხალისე მონაწილეობს.

1970 წელს სანტა ბარბარას საბადოდან ნავთობის დაღვრას შედეგად ოკეანის დაბინძურება და წყლის ბინადართა განადგურება მოჰყვა. ამერიკელი გარემოსდამცველი სენატორის, გეილორდ ნელსონის მოწოდებას, დაეცვათ დედამიწა, 20 მილიონი ადამიანი შეურთდა. მას შემდეგ, დედამიწის დღე ყოველწლიურად 22 აპრილს აღინიშნება.

საქართველო „დედამიწის დღეს“ 1990 წლიდან სხვადასხვა გარემოსდაცვით ღონისძიებით აღნიშნავს.

იხილეთ ფოტოები