ნინოწმინდის N1 სკოლაში დედამიწის დღე რამდენიმე ღონისძიებით აღინიშნა
23-04-2021
დაკოპირებულია
-
+
ნინოწმინდის N1 საჯარო სკოლაში დედამიწის დღესთან დაკავშირებით რამდენიმე ღონისძიება ჩატარდა. მე-11 კლასში ღონისძიებას უძღვებოდა ბიოლოგიის მასწავლებელი არუსიაკ მღდესიანი.
მე-11 კლასის მოსწავლეები კიდევ ერთ ღონისძიებაში მონაწილეობდნენ, რომელიც გეოგრაფიის მასწავლებლის, ვარტანუშ სეირანიანის ხელმძღვანელობით გაიმართა.
დედამიწის დღე აღნიშნეს სკოლის მე-7 კლასელებმაც. მათ ღონისძიება თემაზე - „ტყის კონსერვაცია და აღდგენა“ ჩაატარეს. აქტივობას მასწავლებელი ლენა ხნკოიანი უძღვებოდა.
22 აპრილი დედამიწის საერთაშორისო დღეა. ის მსოფლიოში ერთ-ერთი ყველაზე მასშტაბური გარემოსდაცვითი ღონისძიებაა, რომელშიც ყოველ წელს მსოფლიოს 192 ქვეყნის სხვადასხვა ორგანიზაცია და მილიონობით მოხალისე მონაწილეობს.
1970 წელს სანტა ბარბარას საბადოდან ნავთობის დაღვრას შედეგად ოკეანის დაბინძურება და წყლის ბინადართა განადგურება მოჰყვა. ამერიკელი გარემოსდამცველი სენატორის, გეილორდ ნელსონის მოწოდებას, დაეცვათ დედამიწა, 20 მილიონი ადამიანი შეურთდა. მას შემდეგ, დედამიწის დღე ყოველწლიურად 22 აპრილს აღინიშნება.საქართველო „დედამიწის დღეს“ 1990 წლიდან სხვადასხვა გარემოსდაცვით ღონისძიებით აღნიშნავს.