დედამიწის დღესთან დაკავშირებით, თელავის მუნიციპალიტეტის სოფელ რუისპირის საჯარო სკოლაში გარემოსდაცვითი კონფერენცია - „22 აპრილი დედამიწის დღეა“ ჩატარდა.

შემეცნებით ღონისძიებაში ეკოკლუბის წევრი მოსწავლეები და მათი ხელმძღვანელი ნატალია ბუჩუკური მონაწილეობდნენ. 

ღონისძიებაზე წარდგენილი იყო თემები: „პედოსფეროს ეკოლოგია“, „საქართველოს დაცული ტერიტორიები“, „ატმოსფეროს მნიშვნელობა და მისი პრობლემები“, „ატლანტის ოკეანის თანამედროვე პროექტი“.

კონფერენციის მონაწილეებმა კიდევ ერთხელ შეახსენეს დამსწრე საზოგადოებას, თუ რა პრობლემის წინაშე დგას დედამიწა.

22 აპრილი დედამიწის საერთაშორისო დღეა. მსოფლიო მას 1970 წლიდან აღნიშნავს. ამ დღეს სხვადასხვა ქვეყნებში გარემოსდაცვითი ღონისძიებები იმართება. 

იხილეთ ფოტოები: