ხელვაჩაურის მუნიციპალიტეტის სოფელ ერგეს საჯარო სკოლის VI კლასის მოსწავლეებმა კლასის ხელმძღვანელთან, ლეილა ლორთქიფანიძესთან ერთად დედაენის დღისადმი მიძღვნილ ღონისძიებაზე ლიტერატურული კომპოზიცია „რა ენაც წახდეს, ერიც დაეცეს“ წარმოადგინეს.

მოსწავლეებმა ქართველი პოეტის ლექსები და ბრძნული გამონათქვამები წაიკითხეს. მათ საზღვარგარეთ არსებულ ქართული კულტურის ძეგლებზე, პირველ წერილობით ნაწარმოებსა და ბოლნისის სიონის წარწერებზეც ისაუბრეს.

„მოსწავლეებს არასდროს დაავიწყდებათ ეს დღე, რადგანაც ბევრი რამ გაიგეს ღმერთების ენის შესახებ. მათ გააკეთეს დასკვნა, რომ ენის სიწმინდისათვის ბრძოლა ყველა ქართველის ვალია,“ - აღნიშნულია სკოლის მიერ მოწოდებულ ინფორმაციაში.

იხილეთ ფოტოები