მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
გორის მუნიციპალიტეტის ერგნეთ-მამისაანთუბნის საჯარო სკოლაში დედამიწის დღეს საინტერესო ღონისძიება მიუძღვნეს. მოსწავლეებმა თემის შესაბამისად წარმოადგინეს ნახატები და დამსწრე საზოგადოებას საინტერესო ინფორმაციები მიაწოდეს. ღონისძიების მონაწილეთა პედაგოგები დარეჯან ვაშაგაშვილი და ია მეტრეველი არიან.
„ჩვენს სკოლაში დედამიწის დღე აღინიშნა, დღე, რომელიც ყველაზე მაშტაბურია მსოფლიოში. ამ დღის აღნიშვნა 1970 წლის 22 აპრილს დაიწყო გარემოსდაცვითი ღონისძიებებით და უკვე 51 წელია გრძელდება.
ჩვენი სკოლის მოსწავლეებმა, პროექტის ფარგლებში, წარმოადგინეს ნახატები ამ თემასთან დაკავშირებით და კიდევ ერთხელ გაიხსენეს დედამიწის წარმოშობა, მასზე ცოცხალი ორგანიზმების განვითარება და ყველაზე ახალგაზრდა ცოცხალი ორგანიზმის, ადამიანის მიერ მიყენებული ზიანი, ისაუბრეს დაბინძურებულ ჰაერზე, წყალზე, გარემოზე, ოზონის შრეზე, დედამიწის სავალალო მდგომარეობაზე...
მოსწავლეებს სურთ თავიანთი ხმა გააგონონ მსოფლიოს: „დედამიწა ჩვენი სახლია, მოვუფრთხილდეთ მას“, - წერია სკოლის ინფორმაციაში.
იხილეთ ფოტოები