ნახშირღელის საჯარო სკოლაში დედაენის დღე მრავალფეროვანი ღონისძიებებით აღინიშნა
26-04-2021
დაკოპირებულია
-
+
თერჯოლის მუნიციპალიტეტის სოფელ ნახშირღელის საჯარო სკოლაში დედაენის დღე ქართული ენისა და ლიტერატურის კათედრის ხელმძღვანელობით ჩატარებული ღონისძიებებით აღინიშნა.
განსაკუთრებული აქტიურობით სკოლის V,VI,VII და I კლასის მოსწავლეები გამოირჩეოდნენ.
მე-5 კლასში კალიგრაფიის კონკურსი ჩატარდა. სკოლის აღსაზრდელებმა შექმნეს პოსტერი თემაზე - „დედაენა ქართველ პოეტთა ლექსებში“.
VI კლასში, მასწაველებელ მაია მელუავას ხელმძღვანელობით, ჩატარებულ საინტერესო ღონისძიებაში მოსწავლეები და მოწვეული სტუმრები მონაწილეობდნენ.
ღონისძიების პირველი ნაწილი პროექტის - „წიგნების ძველი კარადა“ პრეზენტაციას დაეთმო. მოსწავლეებმა დამსწრეებს პროექტის განხორციელების ნაბიჯები გააცნეს და საინტერესო ინტერვიუები წარუდგინეს.
ღონისძიების მეორე ნაწილი მინი-ლექციას „14 აპრილი-დედაენის დღე“ დაეთმო. მოსწავლეებმა ახალგაზრდა მწერლის, გელა ბუიღლიშვილის ესსე - „მილეთსმოწყვეტილნი“ წაიკითხეს. გაიმართა ინტელექტუალური თამაში ქართული ენის ისტორიაში.
VIII კლასელებმა შექმნეს კედლის გაზეთი თემაზე - „14 აპრილი დედაენის დღეა“.
მეოთხე კლასის მოსწავლეებმა დედაენის დღე პოსტერის შექმნით აღნიშნეს.
პირველკლასელებიც, დამრიგებელის (ი.არევაძე) ხელმძღვანელობით, კალიგრაფიის კონკურსი ჩაატარეს.