ხოჯორნის საჯარო სკოლის მოსწავლეებმა დედამიწის დღესთან დაკავშირებით საინტერესო პრეზენტაციები გამართეს
26-04-2021
დაკოპირებულია
-
+
მარნეულის მუნიციპალიტეტის სოფელ ხოჯორნის საჯარო სკოლაში დედამიწის დღე აღნიშნეს. თითოეულმა კლასმა საინტერესო ნამუშევრებითა და ნახატებით დატვირთული პრეზენტაცია წარმოადგინა.
ღონისძიებაში სომხურ-აზერბაიჯანული სექტორის ყველა კლასმა აქტიური მონაწილეობა მიიღო.
მასწავლებლებმა მოსწავლეებს კიდევ ერთხელ აუხსნეს გარემოს დაცვისა და დედამიწის სისუფთავის მნიშვნელობა. აქტივობა ბავშვებისთვის სახალისო და მოტივაციის მიმცემი აღმოჩნდა.
22 აპრილი დედამიწის საერთაშორისო დღეა. ის მსოფლიოში ერთ-ერთი ყველაზე მასშტაბური გარემოსდაცვითი ღონისძიებაა, რომელშიც ყოველ წელს მსოფლიოს 192 ქვეყნის სხვადასხვა ორგანიზაცია და მილიონობით მოხალისე მონაწილეობს.
1970 წელს სანტა ბარბარას საბადოდან ნავთობის დაღვრას შედეგად ოკეანის დაბინძურება და წყლის ბინადართა განადგურება მოჰყვა. ამერიკელი გარემოსდამცველი სენატორის, გეილორდ ნელსონის მოწოდებას, დაეცვათ დედამიწა, 20 მილიონი ადამიანი შეურთდა. მას შემდეგ, დედამიწის დღე ყოველწლიურად 22 აპრილს აღინიშნება.საქართველო „დედამიწის დღეს“ 1990 წლიდან სხვადასხვა გარემოსდაცვით ღონისძიებით აღნიშნავს.