თბილისის N103 საჯარო სკოლაში 23 აპრილი - წიგნის საერთაშორისო დღე აღნიშნეს.

მეორეკლასელებმა, ლალი თეთრაძის ხელმძღვანელობით, ეს დღე წიგნის პოპულარიზაციისა და აქტიურ მკითხველებად ჩამოყალიბების მიზნით აღნიშნეს.

პედაგოგმა ამ დღის მნიშვნელობაზე ისაუბრა. მოსწავლეები სიხარულით შეუერთდნენ გიორგი კეკელიძის ინიციატივას, 23 აპრილი წიგნის ჩუქების დღედაც გამოცხადდეს და საჩუქრად წიგნები გადასცეს ერთმანეთს.

„იმედია, ეს დღე სასიამოვნო მოგონებად დარჩებათ პატარებს და იქნება საფუძველი მათი აქტიურ მკითხველებად ჩამოსაყალიბებლად“, - აღნიშნავს სკოლის წარმომადგენელი.