გურჯაანის N2 და გურჯაანის N4 საჯარო სკოლების გუნდებმა ჭადრაკის ტურნირში წარმატებით იასპარეზეს
18-05-2021
დაკოპირებულია
-
+
გურჯაანის N2 საჯარო სკოლა გურჯაანის მუნიციპალიტეტში სასკოლო სპორტული სპარტაკიადის ფარგლებში გამართული ჭადრაკის ტურნირის ჩემპიონი გახდა, მეორე ადგილზე კი გურამ ჭილაშვილის სახელობის გურჯაანის N4 საჯარო სკოლის გუნდი გავიდა.
გამარჯვებული გუნდები შესაბამისი ხარისხის მედლებითა და დიპლომებით გურჯაანის მუნიციპალიტეტის მერიის კულტურის, განათლების, სპორტის და ახალგაზრდულ საქმეთა სამსახურის უფროსმა, თამარ ფურცელაძემ დააჯილდოვა. სპარტაკიადის ჩემპიონს, ქალაქ გურჯაანის მე-2 სკოლის გუნდს კი გურჯაანის მუნიციპალიტეტის მერიის მიერ დაწესებული სპეციალური თასი გადაეცა.
ტურნირის დაწყებამდე მონაწილეებს Covid-19-ის სადიაგნოსტიკო ტესტირება ჩაუტარდათ.
სასკოლო სპორტული სპარტაკიადა, გურჯაანის მუნიციპალიტეტის მერიის კულტურის, განათლების, სპორტის და ახალგაზრდულ საქმეთა სამსახურის ორგანიზებით, ექვს სახეობაში – ჭადრაკში, ფეხბურთში, ფრენბერთში, კალათბურთში, მაგიდის ჩოგბურთსა და ბადმინტონში იმართება.