სიახლეები
სამასწავლებლო

„მასწავლებელს უნდა ჰქონდეს მეტი დრო, რათა იმუშაოს თითოეული ბავშვის საჭიროებების შესაბამისად“-ლია შენგელიძე, ნინოწმინდის საჯარო სკოლის დირექტორი
19-05-2021
-
+


რას შეცვლის სასკოლო ცხოვრებაში სოციალური მუშაკის ინტეგრირება, რას ფიქრობს სკოლებში სამედიცინო კაბინეტების მოწყობაზე და პროფესიის რეგულირების წესზე - ამ და სხვა საკითხებზე etaloni.ge საგარეჯოს მუნიციპალიტეტის სოფელ ნინოწმინდის საჯარო სკოლის, დირექტორის, ლია შენგელიძის მოსაზრებებს გთავაზობთ:

- თქვენი აზრით, რას შეცვლის სასკოლო ცხოვრებაში სოციალური მუშაკების ინტეგრირება?

 - მე ვფიქრობ, სასკოლო ცხოვრებაში სოციალური მუშაკების ინტეგრირება დიდ დახმარებას გაუწევს სკოლებს. მეტი გვეცოდინება თითოეული ბავშვის ოჯახური მდგომარეობისა და საჭიროებების შესახებ და ერთად უფრო მარტივად გავუმკლავდებით იმ გამოწვევებს, რომლებიც დღევანდელი ქართული საზოგადოებისა და ოჯახების წინაშე დგას.
           
- რას ფიქრობთ სკოლებში სამედიცინო კაბინეტების მოწყობაზე და რამდენად მზად არის თქვენი სკოლა შექმნას სამედიცინო მომსახურების სივრცის ფუნქციონირებისთვის შესაბამისი პირობები?

 - სკოლაში აუცილებლად უნდა არსებობდეს სამედიცინო კაბინეტი და  უნდა ემსახურებოდეს მედიცინის მუშაკი. ამ  საკითხის მოგვარება, დღევანდელი მსოფლიო პანდემიის პირობებში, უსაფრთხო სკოლის ერთ-ერთი მნიშვნელოვანი გარანტია. სკოლაში კი გვაქვს საიზოლაციო ოთახი, მოკრძალებული, მწირი აღჭურვილობითა და სამედიცინო პრეპარატებით. თუმცა, სამწუხაროდ, ფინანსური მდგომარეობა არ გვაძლევს საშუალებას, შევქმნათ სამედიცინო მომსახურეობის სივრცის ფუნქციონირებისათვის შესაბამისი პირობები.
        
- რას ფიქრობთ ცვლილებაზე, რომლის მიხედვითაც სკოლა ვალდებულია მოსწავლეს სტატუსი შეუჩეროს, თუ ის 45 სასწავლო დღის განმავლობაში ზედიზედ არ გამოცხადდება სკოლაში ან არ მონაწილეობს დისტანციურ სწავლებაში და არ იღებს შეფასებას ? თქვენი აზრით რას შეცვლის ეს სასკოლო ცხოვრებაში?

 - ჩემი აზრით, ეს ცვლილება ერთგვარი ბერკეტია სკოლისთვის, მშობლისა და მოსწავლის პასუხისმგებლობის ამაღლების თვალსაზრისით.

- თქვენი აზრით, როგორ უნდა დაძლიონ განათლების სისტემამ და სკოლებმა აკადემიური ჩამორჩენა, რომელიც გააჩინა ონლაინსწავლებამ და მასში მოსწავლეთა არათანაბარმა ჩართულობამ?

 - ამ საკითხთან დაკავშირებით, კონკრეტული პასუხის გაცემა, დამეთანხმებით, რთულია. ისე კი, გეტყვით, რომ ყველა მოსწავლისთვის ხელმისაწვდომი უნდა იყოს ის საშუალებები, რომლებიც ონლაინ სწავლებისას სჭირდებათ. 
         
- ცნობილია, რომ მასწავლებლის პროფესიის რეგულირების წესი ძალაში წელს შევა, რომელშიც  მასწავლებელთა სახლის მიხედვით,  გათვალისწინებული უნდა იყოს ყველა დირექტორის, მასწავლებლის და ექსპერტის აზრი. თქვენ რა ხარვეზს ხედავდით წინა სქემებში და რა მოსაზრებ(ებ)ის ასახვას ისურვებდით ახალში?

 - მარტივად გეტყვით, მასწავლებელს უნდა ეცალოს მოსწავლისთვის! ჰქონდეს მეტი დრო, რათა იმუშაოს თითოეული ბავშვის  საჭიროებების შესაბამისად.

კომენტარები


ეტალონი
„ეტალონში“ მიღწეული წარმატება მოსწავლეებისა და სრულიად სასკოლო საზოგადოებისთვის მნიშვნელოვანი მოვლენაა“
საპრიზო ადგილის მფლობელი მოსწავლეები, რესურსცენტრების ხელმძღვანელები, სკოლების დირექტორები და პედაგოგები კონკურსის ემოციების შესახებ საუბრობენ
სიახლეები
გამარჯვებულები სიგელებით, დიპლომებითა და სპეციალური პრიზებით დაჯილდოვდებიან
ავტორიზირებული საჯარო და კერძო საბავშვო ბაღების სია ცნობილია
მასწავლებლების გამოცდაზე რეგისტრაცია აპრილის პირველ ნახევარში დაიწყება - NAEC
„განათლების სისტემაში ასეულობით ვაკანსია გვაქვს და ჰაერივით გვჭირდება ცოდნამიღებული ახალგაზრდები...“
პიროვნება
„ვფიქრობ მოსწავლეები დამახასიათებენ მეგობრულ, საყვარელ, სამართლიან მასწავლებლად“
„ბევრი ჩემი მოსწავლის ოჯახში ჩემი აღზრდილი სამი თაობა ცხოვრობს ერთად. ეს ბევრს ნიშნავს ჩემთვისაც და მათთვისაც“
„ვფიქრობ, ქარიზმა, შარმი, პიროვნული ხიბლი აუცილებელია მასწავლებლისთვის, სკოლის ლიდერისთვის“
სკოლები
პედაგოგები მოსწავლეთა შემოქმედებითი ნიჭისა და უნარების განვითარებაზე აქტიურად ზრუნავენ
„აღნიშნული აქტივობის მიზანი იყო ცნობიერების ამაღლება დაუნის სინდრომის შესახებ და ტოლერანტობის გრძნობის გაღვივება“
მათ შორს სკოლა დაუნის სინდრომის შესახებ ცნობიერების ამაღლების მასშტაბურ კამპანიას შეუერთდა
მოსწავლეებმა აუდიტორიის წინაშე ხმამაღლა წაიკითხეს რევაზ ინანიშვილის - „სახატეები“
სკოლაში წყლის რესურსების დაცვის საერთაშორისო დღე აღინიშნა
საინტერესო
ამაზე საუბარი, რა თქმა უნდა, კვლევებიდან და მოსწავლეებისა თუ სტუდენტების შედეგებიდან გამომდინარე შეიძლება
საინტერესო შემთხვევაა ე.წ. მომთაბარე სკოლაც, სადაც ბავშვები განათლებას კარვებში იღებენ
სიახლეები
საზოგადოება