ბორჯომის ხეობაში ვითარება დამძიმდა- ცეცხლი დაახლოებით 5 ჰექტარზე მეტ ფართობზეა გავრცელებული
21.08.2017
გარემოს დაცვის სამინისტროს ინფორმაციით, სამცხე-ჯავახეთის რეგიონის, ბორჯომის რაიონის, სოფელ დაბის ტერიტორიაზე, 2008 წლის რუსეთ-საქართველოს ომის დროს გადამწვარი ტყის ტერიტორიაზე გაჩენილი ხანძრის ბოლომდე ლოკალიზება გაძლიერებული ქარისა და დაკვამლიანების გამო ვერ ხერხდება. სამინისტროს განცხადებით, გართულებული მეტეოროლოგიური პირობები და დაკვამლიანება მაშველებს ხელს უშლის ხილვადობაში.

სამინისტროს განცხადებით, საქართველოს მთავრობამ დასახმარებლად აზერბაიჯანის მთავრობას მიმართა, რის შედეგადაც ქართველი მაშველების დასახმარებლად აზერბაიჯანიდან ვერტმფრენები უკვე ადგილზეა.

”მთელი ღამის განმავლობაში მძიმე ტექნიკის დახმარებით მიმდინარეობდა ხანძრამდე მისასვლელი გზის გაწმენდითი სამუშაოები. დილის 00:06 საათიდან ადგილზე სასაზღვრო პოლიციის ვერტმფრენი, მაშველები, ადგილობრივი მოსახლეობა, გარემოსდაცვითი ზედამხედველობის დეპარტამენტის და ეროვნული სატყეო სააგენტოს თანამშრომლები იმყოფებიან, რომლებიც ხანძრის სრულ ლიკვიდაციამდე ადგილზე დარჩებიან”, - აცხადებენ სამინისტროში და აღნიშნავენ, რომ ამ დროისათვის ცეცხლი დაახლოებით 5 ჰა-ზე მეტ ფართობზეა გავრცელებული.




კომენტარები


სხვა სიახლეები
ოთხ, 20 სექტემბერი 2017
20:35