გიორგი კვირიკაშვილი- ევაკუაცია ჯერჯერობით საჭირო არ არის, ჩვენი პარტნიორი ქვეყნების ძალებით გავუმკვლავდებით სტიქიას
21.08.2017
სოფელ დაბაში ჩავიდა გიორგი კვირიკაშვილი. პრემიერი იმ ადგილებში იმყოფებოდა, სადაც მჭიდრო დასახლებაა და საიდანაც რამდენიმე მოსახლის გაყვანა გახდა აუცილებელი, თუმცა პრემიერის თქმით, ევაკუაცია ჯერჯერობით საჭირო არ არის.

გიორგი კვირიკაშვილის თქმით, ის ელოდება დახმარებას პარტნიორი აზერბაიჯანისა და თურქეთისგან, მისის განმარტებით, უთენია მეზობელიქ ვეყნის ვერტმფრენები შემოვლენ და ერთობლივი ძალებით მოხდება ხანძრის ლიკვიდაცია.

„ყველა კერაზე გაგზავნილია სახანძრო ბრიგადები, ცეცხლი საკმაოდ მასშტაბურია, ჩვენ ყველაფერს გავაკეთებთ, რომ ჩვენი მოსახლეობა დავიცვათ საშიროებისგან, დილიდან ჩვენი მეგობრები ვერტმფრენებით შემოვლენ, როგორც თურქეთიდნ, ასევე აზერბაიჯანიდან. პანიკა არ ვარგა არცერთ სიტუაციაში, ჩვენი და ჩვენი პარტნიორი ქვეყნების ძალებით, ჩვენ გავუმკვლავდებით სტიქიას. ევაკუაცია ჯერჯერობით საჭირო არ არის“ - განაცხადა პრემიერმინისტრმა.

საქართველოს პრემიერ-მინისტრის, გიორგი კვირიკაშვილის დავალებით, ბორჯომის მუნიციპალიტეტის სოფელ დაბასთან მთის ფერდობზე გაჩენილი ხანძრის მაქსიმალურად მოკლე ვადაში ლიკვიდაციის მიზნით, საგანგებო შტაბი შეიქმნა.

შტაბის შემადგენლობაში შედიან შინაგან საქმეთა, გარემოს დაცვის, რეგიონული განვითარებისა და ინფრასტრუქტურის სამინისტროების, ადგილობრივი ხელისუფლების და კრიზისების მართვის საბჭოს აპარატის წარმომადგენლები.

საგანგებო შტაბი სტიქიის სალიკვიდაციო სამუშაოებზე 24-საათიან რეჟიმში იმუშავებს.

ხანძრის ჩასაქრობად მობილიზებულია რამდენიმე ათეული სახანძრო-სამაშველო ბრიგადა, შემთხვევის ადგილზე მუშაობს 2 ვერტმფრენი.


კომენტარები


სხვა სიახლეები
18.11.2017
ამის შესახებ უკრაინის უშიშროების სამსახური იუწყება
18.11.2017
ახლად დამტკიცებული საქალაქო სამსახურის ხელმძღვანელები და გამგებლები თბილისის მერთან ერთად მუშაობას ორშაბათიდან დაიწყებენ
შაბ, 18 ნოემბერი 2017
23:20