მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
პანდემიის გამო, საქართველოს საგანმანათლებლო სისტემა არაერთი გამოწვევის წინაშე დგას. არც ისაა მარტივი, ასეთ ვითარებაში საკუთარ პროფესიას ბოლომდე უერთგულო, თუმცა, ჩვენი პედაგოგები დგანან განათლებული მომავალი თაობების აღზრდის სადარაჯოზე და პროფესიულ წინსვლაზე ორიენტირებულები, თავს არ ზოგავენ - მოსწავლეებს მისცენ ხარისხიანი განათლება. სწორედ ასეთი თავდადების მაგალითია ზესტაფონის მუნიციპალიტეტის, ქვედა საზანოს N2 საჯარო სკოლა, სადაც სწავლა აქტიურად და არსებული რეგულაციების დაცვით მიმდინარეობს.
მოსწავლეები ჩართულები არიან სასკოლო ცხოვრებაში, საგაკვეთილო პროცესში, სხვადასხვა აქტივობასაც დიდი წარმატებით ახორციელებენ და სკოლის ერთმუშტად შეკრული, პროფესიონალი გუნდის დამსახურებით, ძალიან უყვართ სწავლა.
ქვედა საზანოს N2 საჯარო სკოლა ჩართულია ახალი სკოლის პროექტში და ტარდება „ახალი სკოლის მოდელის“ ფარგლებში დაგეგმილი აქტივობები.
ქართული ენისა და ლიტერატურის მასწავლებელმა, ნათელა ფერაძემ მე-5 კლასში განახორციელა აქტივობა „ვიკვებოთ ჯანსაღად“. მოსწავლეებმა დამსწრე საზოგადოებას გააცნეს ინფორმაცია ჯანსაღი და არაჯანსაღი პროდუქტების შესახებ, დაამზადეს კედლის გაზეთი და გააკრეს თვალსაჩინო ადგილას.