ეუთოს დამკვირვებლები წინასაარჩევნო პროცესის მონიტორინგს იწყებენ
13.09.2017
ეუთოს დემოკრატიული ინსტიტუტებისა და ადამიანის უფლებების ოფისის დამკვირვებლებმა თბილისში პრესკონფერენცია გამართეს, სადაც თვითმმართველობის არჩევნებზე სადამკვირვებლო მისიის ხელმძღვანელმა კორინ იონკერიმ ჟურნალისტებს სადამკვირვებლო მისიის როლი და დაგეგმილი აქტივობები გააცნო.

''მე-14 არჩევნებია, რომელსაც ეუთო აკვირდება. აქ ხელისუფლების მოწვევით ვიმყოფებით. მისიის განმავლობაში ყველა პოლიტიკურ პარტიას, არასამთავრობო ორგანიზაციებსა და მედიას შევხვდებით. ჩვენი მთავარი როლია დავაკვირდეთ არჩევნებს და შემდეგ ანგარიში მოვამზადოთ.

ჩვენ შედეგი არ გვაინტერესებს, არ გვაინტერესებს ვინ გაიმარჯვებს. არამედ გვაინტერესებს როგორ იქნება დემოკრატიული პროცესები დაცული. ჩვენი მანდატი გულისხმობს არჩევნების შეფასებას. შევაფასებთ საკანონმდებლო ჩარჩოს, საარჩევნო ადმინისტრაციის მუშაობას, მედიის გაშუქებას'', - თქვა კორინ იონკერიმ.

კორინ იონკერის თქმით, ეუთოს დამკვირვებელთა ძირითადი გუნდი თბილისში იმუშავებს - 14 ექსპერტი აქტიურად დააკვირდება პროცესებს, ორშაბათიდან კი საქართველოში ეუთოდან დამკვირვებელთა კიდევ 22-კაციანი გუნდი ჩამოვა, ისინი საქართველოს რეგიონებში გადანაწილდებიან.

''არჩევნების დღის მოახლოებასთან ერთად ეუთოს ქვეყნებს მივმართავთ თხოვნით 350 დამკვირვებელის გამოგზავნაზე, ასევე ვითანამშრომლებთ კონგრესის წარმომადგენლებთან. რამდენიმე კვირის განმავლობაში შუალედურ ანგარიშს გამოვაქვეყნებთ. არჩევნების დღესსაც ჩვენს რეკომენდაციებს გავცემთ. არჩევმებიდან 8 კვირაში კი საბოოლო ანგარიში და რეკომენდაციები იქნება ცნობილი, რომელიც ხელისუფლებას წარედგინება განსახილველად'', - განაცხადა კორინ იონკერიმ.

შეგახსენებთ, რომ საქართველოში თვითმმართველობის არჩევნები 21 ოქტომბერს გაიმართება.


კომენტარები


სხვა სიახლეები
ოთხ, 20 სექტემბერი 2017
20:40