ქვეყნის მასშტაბით მერობის 15 დამოუკიდებელი კანდიდატი დარეგისტრირდა
13.09.2017

ცესკოს მონაცემებით, ქვეყნის მასშტაბით მერობის 15 დამოუკიდებელი კანდიდატი დარეგისტრირდა. თბილისის, დმანისის, ასპინძის, ოზურგეთის, ხაშურის, გურჯაანის, თეთრიწყაროს, გორის, ადიგენის, ნინოწმინდის, ცაგერის, მესტიის, ზესტაფონისა და ზუგდიდის მუნიციპალიტეტების მერობისთვის, პოლიტიკური პარტიების კანდიდატებთან ერთად, დამოუკიდებელი კანდიდატებიც იბრძოლებენ.

დამოუკიდებელი კანდიდატებიდან ორი მოქმედი გამგებელია – დმანისის გამგებელი გოგი ბარბაქაძე და ასპინძის გამგებელი ლევან ცაბაძე. ისინი ამავე მუნიციპალიტეტების მერობის კანდიდატებად საინიციატივო ჯგუფებმა  წარადგინეს.

ოზურგეთის მერად დამოუკიდებლად იყრის, ასევე, კენჭს “ქართული ოცნების”  ყოფილი გამგებელი კონსტანტინე შარაშენიძეც.

შგახსენებთ, რომ თვითმმართველობის არჩევნები საქართველოში 21 ოქტომბერს ჩატარდება.



კომენტარები


სხვა სიახლეები
ოთხ, 20 სექტემბერი 2017
20:38