10 სექტემბერს უკრაინა-პოლონეთის საზღვრის უკანონო გარღვევის საქმეს ხულიგნობის მუხლი დაემატა
13.09.2017
10 სექტემბერს უკრაინა-პოლონეთის საზღვრის უკანონო გარღვევის საქმეს კიდევ ერთი მუხლი დაემატა. საუბარია უკრაინის სისხლის სამართლის კოდექსის 296-ე მუხლის მესამე ნაწილზე, რაც ხულიგნობას გულისხმობს. ამის შესახებ, უკრაინული მედიის ინფორმაციით, ლვოვის ოლქის პოლიციის კომუნიკაციების განყოფილების წარმომადგენელმა განაცხადა.

ამასთან, შეგინის გამშვებ პუნქტზე საზღვრის უკანონო გადაკვეთის საქმეს ლვოვის პოლიციის საფუძველზე შექმნილი გაერთიანებული საგამოძიებო ჯგუფი გამოიძიებს.

ამჟამად მიმდინარეობს 10 სექტემბერს მომხდარი შემთხვევის მონაწილეებისა და თვითმხილველების დაკითხვა. როგორც ''უკრაინასკაია პრავდა'' წერს, 12 სექტემბერს ლვოვის ოლქის პოლიციამ საზღვრის გარღვევის ხუთი მონაწილე დააკავა. მათ წინააღმდეგ მიმდინარეობს გამოძიება რამდენიმე მუხლით, მათ შორის საზოგადოებრივი წესრიგის ჯგუფური დარღვევა. ამას გარდა, პოლიციამ დაადგინა საზღვრის გარღვევის ექვსი შესაძლო ორგანიზატორისა და 32 აქტიური მონაწილის ვინაობა.

მანამდე, პოლიცია შეგინის გამშვებ პუნქტზე საზღვრის გადაკვეთის საქმეს სისხლის სამართლის კოდექსის ოთხი მუხლით იძიებდა: 332-ე მუხლის პირველი ნაწილი - უკრაინის სახელმწიფო საზღვარზე პირთა უკანონო გადაყვანა); 342-ე მუხლის მეორე ნაწილი - ხელისუფლების წარმომადგენლისთვის, სამართალდამცავი ორგანოს თანამშრომლისთვის წინააღმდეგობის გაწევა; 345-ე მუხლის მეოთხე ნაწილი - სამართალდამცავი ორგანოს თანამშრომლის მიმართ მუქარა ან ძალადობა; 293-ე მუხლი - საზოგადოებივი წესრიგის ჯგუფური დარღვევა.

შეგახსენებთ, რომ 10 სექტემბერს, უკრაინა-პოლონეთის საზღვართან, შეგინის სასაზღვრო პუნქტთან, უკრაინის ტერიტორიაზე მყოფმა სააკაშვილის მხარდამჭერებმა კორდონი გაარღვიეს, საკონტროლო-გამშვებ პუნქტზე შეიჭრნენ და სააკაშვილი უკრაინის ტერიტორიაზე გადაიყვანეს, რის შემდეგაც მიხეილ სააკაშვილი, მხარდამჭერებთან ერთად, ლვოვში ჩავიდა.


კომენტარები


სხვა სიახლეები
18.11.2017
ამის შესახებ უკრაინის უშიშროების სამსახური იუწყება
18.11.2017
ახლად დამტკიცებული საქალაქო სამსახურის ხელმძღვანელები და გამგებლები თბილისის მერთან ერთად მუშაობას ორშაბათიდან დაიწყებენ
შაბ, 18 ნოემბერი 2017
23:28