„პატარა ხელებით და დიდი გულით ნაკეთები სიკეთე“- თამარიანის საჯარო სკოლის მოსწავლეებმა საქველმოქმედო პროექტი განახორციელეს
15-06-2021
დაკოპირებულია
-
+
ლაგოდეხის მუნიციპალიტეტის სოფელ თამარიანის საჯარო სკოლის მე-10 - მე-11 კლასის მოსწავლეებმა და კლასის ხელმძღვანელებმა, სოციალური პროექტი - „პატარა ხელებით და დიდი გულით ნაკეთები სიკეთე“ განახორციელეს.
პროექტი ქველმოქმედებას ემსახურებოდა.
„ამ პროექტის განსახორციელებლად საჭირო ფინანსური დახმარება გაგვიწიეს, ამავე სოფელში მცხოვრებმა ბიზნესმენებმა: ნოდარ რეხვიაშვილიმა, ლუდა მანუილოვამ, ლევან შუბითიძემ, ნუგზარ კვერნაძემ და ლერი მიდელაურმა.
ამ ადამიანებმა გულთან მიიტანეს მოსწავლეების ჩანაფიქრი და მხარი დაუჭირეს მის სისრულეში მოყვანას, რისთვისაც დიდ მადლობას ვუცხადებთ მათ. ასევე, უღრმესი მადლობა სკოლის დირექციას თანამშრომლობისა და თანადგომისთვის. მადლობა ქალბატონ ნინო საკნელაშვილს, იმისთვის, რომ მნიშვნელოვანი წვლილი შეიტანა იდეის განხორციელებაში“,- აღნიშნულია სკოლის მიერ მოწოდებულ ინფორმაციაში.