მოსკოვში აფეთქების საფრთხის გამო სხვადასხვა ობიექტებიდან ხალხის ევაკუაცია განხორციელდა
13.09.2017

მოსკოვში აფეთქების საფრთხის გამო სავაჭრო ცენტრებიდან, სადგურებიდან და უმაღლესი სასწავლებლებიდან 10 ათასზე მეტი ადამიანის ევაკუაცია განხორციელდა. ამის შესახებ რუსულ მედიას საგანგებო სამსხურებში განუცხადეს.

რუსეთის საგანგებო სიტუაციების სამინისტროს ცნობით, ხალხის ევაკუაცია განხორციელდა 20 ობიექტიდან, რომელთა დანაღმვის შესახებ პოლიციამ ანონიმური შეტყობინება მიიღო. ასაფეთქებელი მოწყობილობის არსებობის შესახებ ინფორმაციას ამოწმებენ სამ სადგურზე - ყაზანის, ლენინგრადისა და კიევის. დაცლილია სეჩონოვის სახელობის სამედიცინო უნივერსიტეტიც. ყველგან საგანგებო სამსახურების თანამშრომლები და კინოლოგები მუშაობენ.

რუსული მედიის ინფორმაციით, მსგავსი შეტყობინებები ბოლო ორი დღის განმავლობაში რუსეთის რეგიონების სამართალდამცავმა ორგანოებმაც მიიღეს. სამართალდამცავები მომხდარს სატელეფონო ტერორიზმად აფასებენ.



კომენტარები


სხვა სიახლეები
ოთხ, 20 სექტემბერი 2017
20:38