2024 წლის ოლიმპიურ თამაშებს პარიზი, 2028 წლის ოლიმპიურ თამაშებს კი ლოს-ანჯელესი უმასპინძლებს
14.09.2017
2024 წლის ოლიმპიურ თამაშებს უმასპინძლებს პარიზი, 2028 წლის ოლიმპიურ თამაშებს - ლოს-ანჯელესი. ასეთი გადაწყვეტილება მიიღეს საერთაშორისო ოლიმპიური კომიტეტის წევრებმა პერუს დედაქალაქ ლიმაში დღეს დაწყებულ სოკ-ის 131-ე სესიაზე.

„ვულოცავ პარიზ-2024-ს და ლოს-ანჯელეს-2028-ს. ეს არის ისტორიული ორმაგი არჩევანი, ეს არის წაუგებელი სიტუაცია ქალაქ პარიზისთვის, ქალაქ ლოს-ანჯელესისთვის და საერთაშორისო ოლიმპიური კომიტეტისთვის, - განაცხადა სოკ-ის პრეზიდენტმა თომას ბახმა, - ძნელი წარმოსადგენია უკეთესი რამ. ოლიმპიური თამაშებისა და მთელი მსოფლიოს სპორტსმენებისთვის მომავალი 11 წლის განმავლობაში სტაბილურობის უზრუნველყოფა - ეს არის რაღაც ექსტრაორდინალური."

როგორც თომას ბახმა აღნიშნა, ორი უდიდესი ქვეყნის  ამ ორ  ორ უდიდეს ქალაქს ზურგს უმაგრებს უდიდესი ოლიმპიური ისტორია. ორივე ქალაქი საოცარი ენთუზიაზმით ეკიდება ოლიმპიურ თამაშებს და ფანტასტიკურად უკაფავს გზას ოლიმპიურ სულისკვეთებას.

პარიზისა და ლოს-ანჯელესის მერებმა - ანე იდალგომ და ერიკ გარსეტიმ მადლობა გადაუხადეს სოკ-ის წევრებს მხარდაჭერისათვის და გამოთქვეს რწმენა, რომ მომავალი ოლიმპიური თამაშები წარმატებით ჩაივლის.

დღევანდელი არჩევნების შედეგები მოულოდნელი არ ყოფილა. მას შემდეგ, რაც წლეულს ივნისში გამართულმა სოკ-ის რიგგარეშე სესიამ მხარი დაუჭირა აღმასრულებელი საბჭოს წინადადებას 2024 და 2028 წლის მასპინძელი ქალაქების ერთდროულად არჩევის შესახებ, სამმხრივმა შემთანხმებელმა კომისიამ კი  ნაყოფიერად იმუშავა და ყველა სადვაო  საკითხი მოაგვარა, ცხადია, არავის არ ეპარებოდა ეჭვი, რომ სოკ-ის წევრები სწორედ ასეთ გადაწყვეტილებას მიიღებდნენ.


კომენტარები


სხვა სიახლეები
ოთხ, 20 სექტემბერი 2017
20:43