სარფის საბაჟოს კვეთისას, მოქალაქეებს კვლავ პრობლემები ექმნებათ
14.09.2017
სარფის საბაჟოს კვეთისას, თურქეთის მხარეს მოქალაქეებს კვლავ პრობლემები ექმნებათ. მათი თქმით, ბოლო 10 დღეა ნეიტრალური ზონიდან განმარტებების გარეშე უკან აბრუნებენ და თურქი მებაჟეები რამდენიმე დღიან შეზღუდვებს უწესებენ. ისინი თურქეთში სამუშაოდ ყოველდღიურად გადადიან, ნაწილს კი გასაყიდად პროდუქცია გადააქვს.

''აგდებენ პასპორტებიდან ჩიპებს და ყრიან, მიზეზს არ გეუბენებიან'' - ამბბობე ერთ-ერთი მოქალაქე.

თურქეთის ელჩი სარფის საბაჟოზე შეფერხებას აქტიურ სეზონს და მოქალაქეების რაოდენობის ზრდას უკავშირებს.

''ახლა აქტიური სეზონია და დიდია იმ ადამიანების რაოდენობა, რომლებიც საზღვარს კვეთენ. 30 ათასამდე ადამიანი გადადის საზღვარზე ყოველდღიურად, ამიტომ, სამწუხაროდ, გამტარუნარიანობა ყოველთვის შესაბამისი არ არის. გარდა ამისა, ახლა თურქეთის მხარეს სარემონტო სამუშაოები გვაქვს, რომელთა დასრულებასაც წლის ბოლომდე ვგეგმავთ. ამ კონკრეტულ მომენტში თურქულ მხარეს გამტარუნარიანობის პრობლემა აქვს. ახლა ორივე მხარე ვთანამშრომლობთ, რომ დავძლიოთ პრობლემები,'' - განაცხადა თურქეთის რესპუბლიკის ელჩმა საქართველოში.

ფინანსთა სამინისტროში, თურქეთის რესპუბლიკის საბაჟო გამშვებ პუნქტში ''სარფი'' უკანასკნელი 1 კვირის განმავლობაში შექმნილი პრობლემებისა და შეფერხებების გამო, რამაც თურქეთის ტერიტორიაზე საბაჟო გამშვები პუნქტის მიმდებარედ დიდი რაოდენობით სატრანსპორტო საშუალებებისა და მგზავრების რიგის ფორმირება გამოიწვია, ფინანსთა მინისტრის პირველი მოადგილე, შემოსავლების სამსახურის უფროსი გიორგი თაბუაშვილი თურქეთის რესპუბლიკის საგანგებო და სრულუფლებიან ელჩს საქართველოში, ლევენთ გიუმრუქჩუს შეხვდა. შეხვედრა ქართული მხარის ინიციატივით გაიმართა.


კომენტარები


სხვა სიახლეები
ოთხ, 20 სექტემბერი 2017
20:42