მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
წალკის მუნიციპალიტეტის სოფელ განთიადის საჯარო სკოლაში სასწავლო წლის დასასრული მრავალფეროვანი აქტივობებით აღინიშნა.
11 ივნისს, ლამაზკაბიანმა და გამოპრანჭულმა პირველკლასელებმა გოგო-ბიჭებმა სასწავლო წელი „ანბანის ზეიმით“ დაასრულეს. ბავშვებმა თავიანთი ცოდნა და უნარები სხვადასხვა შემოქმედებითი აქტივობებით წარმოაჩინეს.
მოსწავლეებმა წაიკითხეს ლექსები, წარმოადგინეს მუსიკალური ნომრები და ა.შ. ღონისძიება ძალიან მხიარული და ლამაზი გამოვიდა.
„მიუხედავად შეზღუდვებისა და სხვადასხვა რეგულაციებისა, მიუხედავად იმისა, რომ ზეიმს ვერ ეყოლება მაყურებლები, არ შემიძლია ბავშვების ასეთი დღე არ გავულამაზოთ, მადლობა სკოლას და თითოეულ მშობელს მხარდაჭერისათვის. მადლობა ბავშვებს მონდომებისთვის“,- ამბობს კლასის ხელმძღვანელი, მზევინარ ტუნაძე.
ღონისძიების ბოლოს, ყველა პირველკლასელი სერტიფიკატით დაჯილდოვდა.
„სკოლის სახელით ვულოცავ პატარებს მეორე კლასში გადასვლას და ულევ წარმატებას ვუსურვებთ“,- აღნიშნავს სკოლის წარმომადგენელი.
იხილეთ ვიდეო: