ბოლო ზარის ტრადიცია საქართველოში დიდი ხანია არსებობს. ესაა დღე, როდესაც 12 წლის განმავლობაში დაგროვილი მოგონებები ერთად იყრის თავს, არის აჭრელებული თეთრი პერანგები, კეთილი სურვილები და ცოტა ცრემლიც... ბავშვები სკოლის კედლებს ემშვიდობებიან; ენანებათ უზრუნველ წლებთან გამომშვიდობება და ამასთანავე, უხარიათ ახალ საფეხურზე გადაბიჯება - წინ შეუცნობელი სამყარო ელით, მეტი პასუხისმგებლობით, ცხოვრებისეული ბარიერებითა და უამრავი წარმატებით.

ტრადიცია არ დარღვეულა და თეთრ მაისურების გარეშე არ ჩაუვლია სკოლის დასრულების ღონისძიებას ხონის მუნიციპალიტეტის სოფელ დედალაურის საჯარო სკოლაში. მე-12 კლასელებს სკოლის დამთავრება დირექტორმა გულიკო ფირცხალავამ მიულოცა და ახალ ეტაპზე კეთილი სურვილები გაატანა: „მე-12 კლასელებს ვუსურვებ ჯანმრთელობას და ბედნიერ მომავალს“.

სკოლის დამთავრების აღნიშვნის შემდეგ, კურსდამთავრებულებმა სკოლის ხელმძღვანელსა და პედაგოგებთან სამახსოვრო ფოტოები გადაიღეს.

წლევანდელი კურსდამთავრებულები გამორჩეული მოსწავლეები იყვნენ, სკოლა ამაყია მათი მიღწევებით და მომავალშიც ბევრ წარმატებულ ნაბიჯს ელის მათგან.

იხილეთ ფოტოები: