ბოლო ზარის ტრადიცია საქართველოში დიდი ხანია არსებობს. სასწავლო წლის დასრულების შემდეგ ღონისძიება სკოლებში იმართება და მისი მთავარი გმირები გამოსაშვები კლასის მოსწავლეები არიან. მასწავლებლები კი ბავშვებს სკოლის დამთავრებასა და ახალი ცხოვრების დაწყებას ულოცავენ.

ესაა დღე, როდესაც 12 წლის განმავლობაში დაგროვილი მოგონებები ერთად იყრის თავს, არის აჭრელებული თეთრი პერანგები, კეთილი სურვილები და ცოტა ცრემლიც... ბავშვები სკოლის კედლებს ემშვიდობებიან; ენანებათ უზრუნველ წლებთან გამომშვიდობება და ამასთანავე, უხარიათ ახალ საფეხურზე გადაბიჯება - წინ შეუცნობელი სამყარო ელით, მეტი პასუხისმგებლობით, ცხოვრებისეული ბარიერებითა და უამრავი წარმატებით.

ბოლო ზარი დაირეკა საჩხერის მუნიციპალიტეტის, გორისის საჯარო სკოლაშიც. ჩვენი „შვიდიცალი“ გავაცილეთ სკოლიდან. ისწავლეს ფრენა. ამიერიდან, დამოუკიდებლად გააგრძელებენ ცხოვრების დიდ გზაზე სიარულს.  გვწამს და გვეიმედება, რომ მათთან ერთად ბევრი მათი თანატოლი დაიწყებს საქართველოს დიადი მომავლის შენებას. გზა დაგელოცოთ სრულიად საქართველოს მომავალო“, - ასე დაემშვიდობა გორისის სასკოლო საზოგადოება კურსდამთვრებულებს.

იხილეთ ფოტოები: