მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
პირველ კლასში მოსწავლის ჩარიცხვის ასაკთან დაკავშირებით, საზოგადოებაში ყოველთვის აზრთა სხვადასხვაობაა, მშობლების ნაწილი მიიჩნევს რომ სკოლაში შესვლის უფლება იმ ბავშვებსაც უნდა ჰქონდეთ რომლებსაც 6 წელი მიმდინარე წლის 31 დეკემბრის ჩათვლით უსრულდებათ, ნაწილი აღნიშნავს რომ უსამართლობაა, როცა ბავშვს სასკოლო ასაკი სწავლის დაწყებიდან მეორე დღეს უსრულდება, თუმცა სკოლაში შესვლის უფლება მაინც არ აქვთ.
დღეს არსებული კანონის მიხედვით, იმისთვის რომ მოსწავლე პირველ კლასში ჩაირიცხოს სასწავლო წლის დაწყების დღეს იგი 6 წლის უნდა იყოს. აღნიშნულ საკითხთან დაკავშირებით თავისი მოსაზრება აქვს წყალტუბოს მუნიციპალიტეტის სოფელ გეგუთის N2 საჯარო სკოლის დირექტორს იზოლდა ფხაკაძეს.
პირველკლასელთა სკოლაში შესვლის ასაკის სასწავლო წლის დაწყების თარიღთან მიბმა მუდმივი მსჯელობის და აზრთა სხვადასხვაობის საკითხია. თქვენ როგორ უყურებთ აღნიშნულ საკითხს ?
„ჩემი აზრით პირველ კლასში უნდა შედიოდეს ბავშვი, რომელსაც წლის 31 დეკემბრამდე უსრულდება 6 წელი, რადგან სკოლაში სწავლება თორმეტწლიანია, ფაქტობრივად ბავშვს 1 წელი უცდება არსებული წესის მიხედვით“,- აღნიშნავს დირექტორი.