მარნეულის მუნიციპალიტეტის სოფელ ახალი დიოკნისის საჯარო სკოლაში პროექტის „ძალა ერთობაშია“ ფარგლებში შეხვედრა გაიმართა.

შეხვედრას მოწვეული სტუმარი, კავკასიის ინსტიტუტის წარმომადგენელი რუსუდან აფციაური უძღვებოდა. შეხვედრის თემა იყო მრავალფეროვან საზოგადოებაში ტოლერანტული გარემოს ჩამოყალიბება.

რუსუდან აფციაურმა მოსწავლეებს საინტერესო პრეზენტაცია მოუმზადა. გარდა ამისა, მოსწავლეები თამაშში „შენი იდენტობა და სოციალური როლები“ ჩაერთვნენ.

გაიმართა საინტერესო დისკუსია, მოსწავლეებმა ერთმანეთს გაუზიარეს საინტერესო მოსაზრებები და შეხედულებები ერთმანეთის როლების შესახებ. 

შეხვედრის ბოლოს რუსუდან აფციაურმა მოსწავლეები დაასაჩუქრა სამახსოვრო ბლოკნოტებით და სთხოვა, ზაფხულის განმავლობაში მის მიერ მითითებული ფილმების - „თავისუფლების მწერლები“, „კლასის წინ“, „შინდლერის სია“ შთაბეჭდილებები შეიტანონ.  

იხილეთ ფოტოები