„ბავშვებს საშუალება მიეცათ მოენახულებინათ სასახლეში არსებული პლანეტარიუმი, სამეცნიერო კუთხე; დაეთვალიერებინათ ეთნოგრაფიული მუზეუმი, სასახლის ბაღი, ნახატების გამოფენა; გაცნობოდნენ თეატრალური, თერთრი და სარკეებიანი დარბაზების დიდ, ისტორიულ წარსულს.

გაიმართა საინტერესო საჭადრაკო შეხვედრა მოსწავლეებსა და ჭადრაკის დიდოსტატ ნანა ალექსანდრიას შორის, რომელსაც დახმარებას ჩვენი თანაქალაქელი, 12 წლის საქართველოს ჩემპიონი ერეკლე ტაბატაძე უწევდა. თამაშის პარალელურად იყო საუბრები ჭადრაკის ისტორიასა და მის როლზე. ნანამ ალექსანდრიამ ასევე უამბო ბავშვებს თავისი საჭადრაკო ცხოვრების განვლილი გზის შესახებ.

თამაშის დასასრულს ნანა ალექსანდრიას მიერ სამახსოვრო საჩუქარი გადაეცა 3 მოჭადრაკეს: საუკეთესო მოჭადრაკე გოგონა - ანი ღუღუნიშვილი; საუკეთესო მოჭადრაკე ვაჟი - გიორგი ღუღუნიშვილი; ერეკლესთვის ღირსეულად გაწეული პარტნიორობისთვის კი დაჯილდოვდა დათო ჯიბუხაძე. აგრეთვე საჩუქრები გადაეცა მათ პედაგოგს ნათია თურმანიძეს.

კულტურის ცენტრის სახელით უღრმეს მადლობას ვუხდით ეროვნულ სასახლეს, საუკეთესო დახვედრისა და მასპინძლობისთვის“, - აღნიშნულია სკოლის მიერ მოწოდებულ ინფორმაციაში.

იხილეთ ფოტო: