საგარეჯოს N3 საჯარო სკოლაში ბავშვთა დაცვის დღესთან დაკავშირებით, სკოლის ეზოში სხვადასხვა სახის აქტივობა ჩატარდა.

აქტივობები სახალისო და შემეცნებითი ხასიათის იყო.

ამასთან, მოსწავლეებმა ამომწურავი ინფორმაცია მიიღეს, რას ნიშნავს ბავშვთა დაცვის დღე და რატომ აღნიშნავს მსოფლიო ამ დღეს 1-ელ ივნისს. მასწავლებლებმა პატარებს ბედნიერი ბავშვობა და უღრუბლო ცა უსურვეს.

ბავშვთა დაცვის საერთაშორისო დღე 1949 წლის ნოემბერს ქალთა საერთაშორისო დემოკრატიულმა ფედერაციამ დააწესა. 1950 წლიდან აღინიშნება ყოველწლიურად 1 ივნისს მსოფლიოს მრავალ ქვეყანაში. მისი მიზანია მსოფლიოს საზოგადოებრივი აზრის მობილიზება ახალი ომის საშიშროებისაგან ბავშვთა დასაცავად, ზრუნვა მათი ჯანმრთელობისა და დემოკრატიული აღზრდა.

იხილეთ ფოტოები: