სკოლებში ვაკანსიები გამოცხადდა. დირექტორები ახალი სასწავლო წლისთვის კადრებს უკვე ეძებენ. ამ დროისთვის 200-ზე მეტი აქტიური ვაკანსიაა. აღსანიშნავია, რომ ვაკანსიები ყოველდღიურად ემატება პედაგოგებისთვის განკუთვნილ ვებ-გვერდს.

ვაკანსიები გამოცხადებულია როგორც საჯარო, ასევე კერძო სკოლებში, თბილისსა და რეგიონებში.

ყველაზე მეტად სკოლებში დაწყებითი კლასების მასწავლებლებზეა მოთხოვნა, შემდეგ მოდის მათემატიკა, ქართული ენა და ლიტერატურა, ინგლისური, ისტორია, ფიზიკა და გეოგრაფია. ქიმიის პედაგოგს 5 სკოლა ეძებს, სპორტისას კი - 8. ასევეა მოთხოვნა რუსულის, ინფორმაციული და საკომუნიკაციო ტექნოლოგიების, მუსიკის, სახვითი და გამოყენებითი ხელოვნების, ფრანგულისა და ბუნების მასწავლებლებზე.

მხოლოდ თითო ვაკანსიაა სამოქალაქო განათლების, იტალიურის, გერმანულის, მე და საზოგადოების, ასევე საგზაო ნიშნების მასწავლებლებისთვის.

მასწავლებლების გამოცდები 14 ივლისს იწყება, ათასობით პრაქტიკოს პედაგოგს გამოცდის ჩაბარების ბოლო შანსი აქვს, სწორედ მათ შედეგებზეა დამოკიდებული, ახალი სასწავლო წლისთვის გამოცხადდება თუ არა მასობრივად ვაკანსიები სკოლებში.

ვაკანსიების სანახავად იხილეთ ბმული