რას ნიშნავს ძლიერი სკოლა? რა არის მისი მთავარი მამოტივირებელი ძალა? და რა ახსოვს სკოლიდან გამორჩეულად? - ამ და სხვა საკითხებზე ხელვაჩაურის მუნიციპალიტეტის სოფელ ზემო თხილნარის საჯარო სკოლის დირექტორი თამაზ ფუტკარაძე ბლიც-ინტერვიუში საუბრობს.

- სასწავლო წლის დასრულება ყოველთვის...    

- არის დროებითი განტვირთვა, დასვენება, დაძაბულობის მოხსნა და მომავლისთვის ძალისა და ენერგიის დაგროვება.

- ძლიერი სკოლა ნიშნავს...    

- სანიმუშო შედეგების დადებას ყოველი მიმართულებით (დისციპლინა, აკადემიური მოსწრება, ოლიმპიადები და ა. შ.)

- გამორჩეულად მახსენდება სკოლის...

- წარმატებები და მოსწავლეთა მიღწევები „ეტალონის“ პროგრამით გათვალისწინებულ კონკურსებში.

- ოჯახის მხარდაჭერა საჭიროა...   

- იმისთვის, რომ სკოლამ მიაღწიოს სასურველ წარმატებას ერთობლივი საქმიანობით სასკოლო მიზნების განსახორციელებლად.

- მოსწავლისთვის სამაგალითოა...    

- მასწავლებლის ქცევა, კომუნიკაცია, მათთან ურთიერთობა, პროფესიული ცოდნა.

- დირექტორის მოტივაციაა...    

- მასწავლებლის სანიმუშო გაკვეთილი, მოსწავლეთა ცოდნის გამოვლენა, შედეგი, მის მიერ გაწეული შრომის დაფასება.

- განვითარებისთვის მნიშვნელოვანია...

- ყოველი საქმის ხარისხიანად კეთება, რაც სკოლასთან არის დაკავშირებული.