მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
2020-2021 სასწავლო წელი მიიწურა; იყო ბევრი გამოწვევა - დისტანციური სწავლება, ჰიბრიდული მოდელი, წერტილოვანი შეზღუდვები, მაგრამ მთავარი ისაა, რომ სასწავლო პროცესი შედგა და სკოლებიც ეროვნული სასწავლო გეგმით გათვალისწინებულ შედეგებზე გავიდნენ.
პედაგოგებს კი, რომლებიც დგანან განათლებული მომავალი თაობების აღზრდის სადარაჯოზე და პროფესიულ წინსვლაზე არიან ორიენტირებულები, თავი არ დაუზოგავთ - მოსწავლეებისთვის მიეცათ ხარისხიანი განათლება.
ოტია იოსელიანის სახელობის, წყალტუბოს N1 საჯარო სკოლა, ისევე როგორც ყოველთვის, წელსაც მოწოდების სიმაღლეზე აღმოჩნდა - სწავლა აქტიურად და არსებული რეგულაციების დაცვით წარიმართა, რა თქმა უნდა, მოსწავლეების ჩართულობით სასკოლო ცხოვრებაში, საგაკვეთილო პროცესსა თუ სხვადასხვა აქტივობაში.
წყალტუბოს N1 საჯარო სკოლაში სამუშაო შეხვედრა შედგა კურუკულუმის ექსპერტ ნანა კაცაძესთან. შეხვედრაში მონაწილეობდნენ კათედრის გამგეები, ლიდერთა ჯგუფის წევრები და დაინტერესებული პედაგოგები.
„ქალბატონმა ნანამ კიდევ ერთხელ ისაუბრა ახალი სკოლის მოდელის ფარგლებში ასატვირთ დოკუმენტაციაზე, უპასუხა პედაგოგების დასმულ კითხვებს. სკოლის დირექტორმა კურუკულუმის ექსპერტის აქტიური თანამშრომლობა დადებითად შეაფასა და მას ერთგული თანამშრომლობისათვის საპატიო სიგელი გადასცა“, - აღნიშნულია სკოლის მიერ გავრცლებულ ინფორმაციაში.