მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
2020-2021 სასწავლო წელი მიიწურა; იყო ბევრი გამოწვევა - დისტანციური სწავლება, ჰიბრიდული მოდელი, წერტილოვანი შეზღუდვები, მაგრამ მთავარი ისაა, რომ სასწავლო პროცესი შედგა და სკოლებიც ეროვნული სასწავლო გეგმით გათვალისწინებულ შედეგებზე გავიდნენ.
პედაგოგებს კი, რომლებიც დგანან განათლებული მომავალი თაობების აღზრდის სადარაჯოზე და პროფესიულ წინსვლაზე არიან ორიენტირებულები, თავი არ დაუზოგავთ - მოსწავლეებისთვის მიეცათ ხარისხიანი განათლება.
გურჯაანის მუნიციპალიტეტის, ბაკურციხის საჯარო სკოლა, ისევე როგორც ყოველთვის, წელსაც მოწოდების სიმაღლეზე აღმოჩნდა - სწავლა აქტიურად და არსებული რეგულაციების დაცვით წარიმართა, რა თქმა უნდა, მოსწავლეების ჩართულობით სასკოლო ცხოვრებაში, საგაკვეთილო პროცესსა თუ სხვადასხვა აქტივობაში.
ახლა კი, ბაკურციხის საჯარო სკოლის დირექტორი, მაკა კუპრაშვილი 2020 2021 სასწავლო წელს აჯამებს
„2020 2021 სასწავლო წელი წარმატებით დავძლიეთ პანდემიიდან გამომდინარე პრობლემების მიუხედავად. შევძელით გამკლავება და ვიმუშავეთ ჩვეულებრივ რეჟიმით. ჩართულები ვიყავით ძალიან ბევრ პროექტში, გვქონდა ღონიძიებები: ქართული ენის კვირეული, 26 მაისთან დაკავშირებით და სხვა აქტივობები.
ასევე გვყავს 5 ოქროს მედლისა და 1 ვერცხლის მედალის კანდიდატი მოსწავლეები. ჩემი ყველა პედაგოგი სტატუსიანია, რომლებიც მუდმივად ზრუნავენ კარიერულ წინსვლაზე, მათგან სამი წამყვანია.
ეს წელი გამოწვევებით იყო სავსე, სამომავლოდ გვაქვს ბევრი გეგმა დასახული, მინდა, რომ ეს ყველა გეგმა სისრულეში მოვიყვანოთ და ვიყოთ წარმატებულბი“.