შორაპნის საჯარო სკოლის მოსწავლემ გარემოსდაცვით კონკურსში გაიმარჯვა
28-06-2021
დაკოპირებულია
-
+
ზაზა ფერაძის სახელობის, ზესტაფონის მუნიციპალიტეტის, შორაპნის საჯარო სკოლის XIა კლასის მოსწავლემ, ნინი პარფენოვმა გარემოსდაცვით კონკურსში „ჩემი თვალით დანახული კლიმატის ცვილებები“ გაიმარჯვა და მას 200-ლარინი სასჩუქრე ვაუჩერი გადაეცა.
„ევროკავშირის მიერ მხარდაჭერილი საქართველოს კლიმატის პროგრამის (GEO-CAP) ფარგლებში, CENN, პროექტის განმახორციელებელ პარტნიორებთან KRDF, ACU, YPU და RLSADA ერთად, სამოქალაქო საზოგადოებაში კლიმატის ცვლილებებთან და პრევენციულ ღონისძიებებთან დაკავშირებით ცნობიერების ამაღლებისათვის ჩატარდა კონკურსი - „ჩემი თვალით დანახული კლიმატის ცვლილები“. ჭიათურაში შედგა დაჯილდოების ღონისძიება, სადაც თემატური ნამუშევრების წარდგენისთვის პირველი ადგილის მფლობელ ნინიპარფენოვს გადაეცა 200-ლარინი სასაჩუქრე ვაუჩერი. მადლობა მოსწავლესა და მის გზამკვლევს, გეოგრაფიის პედაგოგს - ინგა ხარჩილავას“, - აღნიშნულია სკოლის მიერ გავრცელებულ ინფორმაციაში.
თავად პედაგოგი ინგა ხარჩილავა კი მოსწავლის წარმატებას სოციალლური ქსელით, ასე გამოეხმურა:
„ბედნიერია მასწავლებელი, როდესაც თავისი მოსწავლე შედეგს დადებს! სწორედ ეს არის ჩემი მიზანი, გავუკვალო გზა ჩემს მოსწავლეებს და წარმატებისკენ ვუბიძგო“!