საქართველოს ეროვნულ ინტელექტ-ჩემპიონატ „ეტალონში“ წარმატებული მონაწილეობისთვის ჩუნჩხის საჯარო სკოლის მოსწავლეები დაჯილდოვდნენ
30-06-2021
დაკოპირებულია
-
+
ახალქალაქის მუნიციპალიტეტის სოფელ ჩუნჩხის საჯარო სკოლის მოსწავლეებმა საქართველოს ეროვნულ ინტელექტ-ჩემპიონატ „ეტალონში“ წარმატებით იასპარეზეს.
ახალქალაქის მუნიციპალიტეტის დისტანციური კონკურსის მონაწილეებმა - მარიამ მგელაძემ, შორენა გელაძემ, ლიზა მარკოიძემ, სოსო გელაძემ, დიმიტრი აბულაძემ, დავით აბულაძემ, რამაზ გელაძემ, ქრისტინე აბულაძემ, გვანცა პაპიძემ, თენგიზ მელიქიძემ, ლია გელაძემ და ანა მიქელაძემ სიგელები მოიპოვეს, სალომე მიქელაძემ და ანა გორგაძემ კი დისტანციურ კონკურსში წარმატებული მონაწილეობისთვის ოქროს სიგელები დაიმსახურეს.
შეგახსენებთ, რომ 2021 წელს საქართველოს ეროვნული ინტელექტ-ჩემპიონატი „ეტალონი“ დისტანციურ რეჟიმში მუნიციპალიტეტებისა და თვითმმართველი ქალაქების მიხედვით წარიმართება. ინტელექტუალურ კონკურსში ჩართვა ნებისმიერი სკოლის მე-8, მე-9, მე-10 და მე-11 კლასის მოსწავლეს შეუძლია.
ახალქალაქელი მოსწავლეებისთვის საქართველოს ეროვნული ინტელექტ-ჩემპიონატის პირველი ეტაპის კონკურსი ტესტირების სპეციალური პორტალის საშუალებით 24 ივნისს გაიმართა. კონკურსის პირველი ეტაპის შედეგების მიხედვით შეირჩა 199 მოსწავლე, რომლებიც ერთმანეთს 29 ივნისს „ახალქალაქის ეტალონი მოსწავლის“ ტიტულისთვის შეეჯიბრნენ.
ინტელექტ-ჩემპიონატის კონკურსის პირველ ეტაპში მონაწილე ყველა ახალქალაქელი მოსწავლე „ეტალონის“ და ახალქალაქის მუნიციპალიტეტის მერიისგან სპეციალური ონლაინ სიგელით, ხოლო მეორე ეტაპში - ონლაინ ოქროს სიგელებით დაჯილდოვდნენ.