2020-2021 სასწავლო წელი მიიწურა; იყო ბევრი გამოწვევა - დისტანციური სწავლება, ჰიბრიდული მოდელი, წერტილოვანი შეზღუდვები, მაგრამ მთავარი ისაა, რომ სასწავლო პროცესი შედგა და სკოლებიც ეროვნული სასწავლო გეგმით გათვალისწინებულ შედეგებზე გავიდნენ.

მარტვილის მუნიციპალიტეტის, ზედა ხუნწის საჯარო სკოლის დირექტორი, სოსო წულაია etaloni.ge-სთან  2020-2021 სასწავლო წელს აჯამებს, რომელიც სკოლის ხელმძღვანელებმა, პედაგოგებსა და მოსწავლეებთან ერთად, ღირსეულად ჩაამთავრეს.

„სიმართლე გითხრათ, ჩვენი მცირეკონტიგენტიანი სკოლაა  - სულ 12 ბავშვი გვყავს და ამიტომ, დღე არ ყოფილა, სკოლაში არ გვევლო; შესაბამისად, პანდემიასა და გამოწვევებით სავსე წელიწადს განსაკუთრებული გავლენა არ მოუხდენია - ჩვეულ რეჟიმში დავძლიეთ და წარმატებით დავასრულეთ სასწავლო წელი“.