„ძლიერი სკოლა ნიშნავს პროფესიონალ მასწავლებლებსა და მოსწავლეზე მორგებულ სასწავლო გარემოს“ - ეკა ჩაბაიძე, სიონის საჯარო სკოლის დირექტორი
30-06-2021
დაკოპირებულია
-
+
რას ნიშნავს ძლიერი სკოლა? რა არის მისი მთავარი მამოტივირებელი ძალა? და რა ახსოვს სკოლიდან გამორჩეულად? - ამ და სხვა საკითხებზე ყაზბეგის მუნიციპალიტეტის, სიონის საჯარო სკოლის დირექტორი ეკა ჩაბაიძე ბლიც-ინტერვიუში საუბრობს.
- სასწავლო წლის დასრულება ყოველთვის...
- ჩემთვის სევდანარევია, ამთავრებენ სკოლას და არ იციან, რა გზა აქვთ გასავლელი..თან მოლოდინითაა სავსე სასწავლო წლის დასრულება - ახალი თაობა მოდის ახალ-ახალი შესაძლებლობებით...
- ძლიერი სკოლა ნიშნავს...
- პროფესიონალ მასწავლებლებსა და მოსწავლეზე მორგებულ სასწავლო გარემოს...
- გამორჩეულად მახსენდება სკოლის...
- ის პერიოდი, როდესაც პანდემიის მერე სკოლაში განვაახლეთ სასწავლო პროცესი, გახარებული ბავშვების სახეები არ დამავიწყდება... გარს გვეხვეოდნენ მასწავლებლებს და ერთმანეთს ცრემლმორეული ღიმილით ვეფერებოდით...
- ოჯახის მხარდაჭერა საჭიროა...
- როგორც მასწავლებლებისთვის, ასევე მოსწავლეებისთვის. რასაც მუდმივად ვგრძნობდით მშობლებისგან ონლაინ-სწავლებისას...
- მოსწავლისთვის სამაგალითოა...
- მშობელი, მასწავლებელი, დირექტორი. ვცდილობთ კარგი მაგალითი მივცეთ ჩვენს მოსწავლეებს...
- დირექტორის მოტივაციაა...
- წარმატებული მოსწავლეები, პროფესიონალი კოლეგები, საინტერესო და აქტუალური პროექტები და გამოწვევები.
- განვითარებისთვის მნიშვნელოვანია...
- თანამშრომლობითი კულტურის განვითარება, სიახლეებისადმი ლტოლვა...