სიახლეები
სკოლები

თბილისის N72 საჯარო სკოლის დირექტორმა მანანა კიკაჩეიშვილმა თანამშრომლებს სამადლობელი სიტყვით მიმართა
12-07-2021
-
+


თბილისის N72 საჯარო სკოლაში 2020-2021 სასწავლო წელი წარმატებით დასრულდა. მიუხედავად კორონავირუსით გამოწვეული პანდემიისა, რის გამოც სასწავლო წელი უჩვეულოდ წარიმართა, სკოლამ ყველა გამოწვევას ღირსეულად გაართვა თავი.

სკოლის თითოეულმა პედაგოგმა და მომსახურე პერსონალმა, ფასდაუდებელი შრომა გასწია, რათა მოსწავლეებს შეუფერხებლად მიეღოთ განათლება.

სასწავლო წლის დასრულებასთან დაკავშირებით თბილისის N72 საჯარო სკოლის დირექტორმა, მანანა კიკაჩეიშვილმა სკოლის თითოეულ თანამშრომელს გულწრფელი და ამაღელვებელი სიტყვით მიმართა.

„ჩემო 72-ელებო, ეს წერილი გეძღვნებათ თქვენ!

2020 -2021 სასწავლო წლის ბოლოს მინდა ფეხზე წამოდგომით გადავუხადო მადლობა ჩვენი სკოლის ყველა თანამშრომელს: პედაგოგს თუ ადმინისტრაცია-დირექციას, ტექნიკურ პერსონალს, მანდატურს თუ ექიმს, ფსიქოლოგს თუ სპეცმასწავლებელს.

ეს იყო დიდი გამოწვევების წელი და უნდა იცოდეს ყველამ, რომ სასწავლო პროცესი გადაარჩინა ამ ხალხმა. ვინც არ იცნობს განათლების სისტემას, ვერ მიხვდება ყოველ ბრძანებას, რეკომენდაციას, რეგულაციების ცვლილებას, თვითიზოლაციებს და უკან დაბრუნებას, ონლაინ თუ სასკოლო სივრცეში სასწავლო პროცესის წარმართვას, სხვადასხვა ცხრილზე გადასვლა-გადმოსვლას, გაკვეთილების ზოგისთვის ონლაინ, ზოგისთვის - სკოლაში ჩატარებას,  დროის სწორად განაწილებას, ჯანმრთელობის და ეპიდუსაფრთხოების რეგულაციების დაცვას - რაოდენ დიდი შრომა და ძალისხმევა სჭირდებოდა!

როდესაც მაქსიმალურმა მცდელობამ შედეგი გამოიღო, რასაც ადასტურებს მშობელთა და მოსწავლეთა სამადლობელი წერილები, პოსტები, კომენტარები. როდესაც სკოლა ძალიან მოთხოვნადია თემში,  და არა მარტო,  როდესაც  სკოლა ვერ იტევს გადმოსვლის და ჩარიცხვის მსურველებს, ამაყი   ხარ, ამაყი, რომ შენ და შენს გუნდს, საყრდენ-მამოძრავებელ ძალას, და ყველას ერთად თავი არ დაუზოგავს, რათა შედეგი დაედო და ასეთი შეფასებები მიეღო.

როგორც არ უნდა აკრიტიკონ განათლების სისტემა, პედაგოგების შრომა გმირობის ტოლფასი იყო. covid ინფიცირებული მასწავლებლები სუსტი ჯანმრთელობის მიუხედავად სახლებიდან თუ კლინიკებიდან ატარებდნენ გაკვეთილებს, რომ არ ეღალატათ თავიანთი მოსწავლეებისათვის... ეუფლებოდნენ ელექტრონული ჟურნალის წარმოებას, ეძიებდნენ და ქმნიდნენ სასწავლო რესურსებს და ა.შ. და ა.შ. ახლა კი, შვებულების დროს, ჩართულნი უნდა იყვნენ ტრენინგებში.

გულწრფელი მადლობა თქვენ!

იმედია, მომავალი სასწავლო წელი უფრო ჯანმრთელი და მშვიდობიანი იქნება. ჩვენ კი გამოწვევების გამკლავების გამოცდილებით უფრო უკეთეს შედეგებს მივაღწევთ“.

თბილისის სკოლის დირექტორის, მანანა კიკაჩეიშვილის გარდა პედაგოგებსა და სხვა თანამშრომლებს მოსწავლეების მშობლებიც გულწრფელ მადლობას უხდიან, იმ დაუღალავი შრომისთვის, რომელსაც თითოეული მათგანი ეწევა, რათა ბავშვებმა განათლება მიიღონ ღირსეულ და უსაფრთხო გარემოში.

იხილეთ ფოტოები:


კომენტარები


ეტალონი
„ეტალონში“ მიღწეული წარმატება მოსწავლეებისა და სრულიად სასკოლო საზოგადოებისთვის მნიშვნელოვანი მოვლენაა“
საპრიზო ადგილის მფლობელი მოსწავლეები, რესურსცენტრების ხელმძღვანელები, სკოლების დირექტორები და პედაგოგები კონკურსის ემოციების შესახებ საუბრობენ
სიახლეები
„განათლების სისტემაში ასეულობით ვაკანსია გვაქვს და ჰაერივით გვჭირდება ცოდნამიღებული ახალგაზრდები...“
ბრალდებულმა, მკვეთრი მანევრით, ნაპირიდან მოშორებით „ბანანი“ ამოატრიალა, რის შედეგადაც უჟილეტო ბავშვები ზღვაში ჩაცვივდნენ
5 მიზეზი, რის გამოც ეროვნულებზე თქვენი სარეგისტრაციო განაცხადი გაუქმდება - ინფორმაცია აბიტურიენტებისთვის
სკოლებში სპეციალური საგამოძიებო სამსახურის თანამშრომლები შეხვედრებს ჩაატარებენ
პიროვნება

მოსწავლე რომ ვიყავი, განსაკუთრებით მაინტერესებდა გამოვსულიყავი ისეთი მასწავლებელი, როგორიც იყო ჩემი პირველი მასწავლებელი.

აბიტურიენტი რომ ვიყო პედაგოგობაზე ვიფიქრებდი და პედაგოგიურ უნივერსიტეტში ჩავაბარებდი

 

ის მომავალი თაობის პასუხისმგებლიან მოქალაქეებად ჩამოყალიბებასა და წარმატებულ მომავალზე აქტიურად ზრუნავს
სკოლები
„ძალიან საინტერესო გამოვიდა. საინფორმაციოც იყო და შემეცნებითიც, სასწავლო და ამასთანავე პრაქტიკული დატვირთვის“
პიპილეთის საჯარო სკოლაში იმედოვნებენ, რომ მსგავსი პროექტები ახალგაზრდა თაობაში პოეზიის მიმართ სიყვარულს გაზრდის
მოსწავლეებმა ნახეს ბოლშევიკური რუსეთის მიერ საქართველოს ოკუპაციისა და საქართველოში საბჭოთა საოკუპაციო რეჟიმის 70-წლიანი მმართველობის ამსახველი ფოტო, ვიდეო და დოკუმენტური მასალა
საინტერესო
სწავლობენ სხვისი აზრის გათვალისწინებას და იმას, თუ რამდენად მნიშვნელოვანია ერთი ადამიანის წვლილი საერთო და მასშტაბურ საქმეში
ამაზე საუბარი, რა თქმა უნდა, კვლევებიდან და მოსწავლეებისა თუ სტუდენტების შედეგებიდან გამომდინარე შეიძლება
სიახლეები
საზოგადოება