სიახლეები
პიროვნება

„წარმატება დამოკიდებულია საქმისადმი სიყვარულზე“- დონარი აბულაძე, ძირკვაძეების საჯარო სკოლის დირექტორი
20-07-2021
-
+


რა არის მისთვის წარმატება, როგორ იხსენებს პირველ მასწავლებელს და რომელია მისი სამაგიდო წიგნი? ამ და სხვა საინტერესო საკითხებთან დაკავშირებით ბლიც-ინტერვიუ ამჯერად, ხულოს მუნიციპალიტეტის სოფელ ძირკვაძეების საჯარო სკოლის დირექტორთან, დონარი აბულაძესთან შედგა.

- წარმატება არის. . .

- წარმატება დამოკიდებულია საქმისადმი სიყვარულზე, თვითმოტივაციაზე, მიზანდასახულობაზე, თავდაჯერებულობაზე და ასევე მუდმივ განვითარებაზე.

- ჩემი სკოლა მახსენებს. . . 

- ოჯახს, სადაც განსხვავებული აზრის მიუხედავად, ყველა იქ მყოფს თავისი წილი პასუხისმგებლობები გადანაწილებული აქვს და ოჯახის ერთობასა და წარმატებაზე ზრუნავს.

- ჩემი პირველი მასწავლებელი. . . 

- ჩემი პირველი მასწავლებელი ქალბატონი დალი შავაძე იყო, რომელმაც „დედა ენას“ მაზიარა, დალი მასწავლებელი იყო უკეთილშობილესი ქალბატონი, გამორჩეული პროფესიონალი. არასდროს დამავიწყდება მისი მზრუნველობა, ჩემს და ყველა მოსწავლის მიმართ. ალბათ მისი დამსახურებაა, პედაგოგის პროფესია რომ ავირჩიე. 

- მოსწავლე რომ ვიყავი. . .

- ყველაფერი მიყვარს რაც ჩემს მოსწავლეობას მახსენებს, საკმაოდ დიდი პასუხისმგებლობით ვეკიდებოდი ყველაფერს. ძალიან კარგი მოსწავლე ვიყავი, აქტიური ვიყავი, როგორც საკლასო ასევე კლასგარეშე ღონისძიებებში. ჩემი მოსწავლეობა იმ სკოლას უკავშირდება, რომლის დირექტორიც ახლა ვარ, ვფიქრობ ჩემმა სკოლამ, ჩემმა მასწავლებლებმა და ჩემი მოსწავლეობის წლებმა განაპირობა ისეთ ადამიანად ჩამოყალიბება, როგორიც დღეს ვარ. 

- ჩემი სამაგიდო წიგნი. . . 

- ნოდარ დუმბაძის შემოქმედება, სტენდალი - „წითელი და შავი“ და ერიხ მარია რემარკი - „ტრიუმფალური თაღი“

- ზაფხულში ვცდილობ. . . 

- უწყვეტ მუშაობასთან ერთად ვცდილობ დასვენებას, სიახლეების გაცნობას და რაც უმთავრესია, ვეცდები ყურადღება არ მოვაკლო ოჯახის წევრებს, თუმცა რამდენად გამომდის საკითხავია.

- ფრაზა, რომელიც ხშირად მახსენდება. . . 

- მახსენდება რამოდენიმე ფრაზა:
ორი რამ მაოცებს ამ სამყაროში: ვარსკვლავებით მოჭედილი ცა და ზნეობრივი კანონი ჩემში;
შეიცანი შენი რეალური ძალა და ნუ შეგეშინდება წინამძღოლობის;
გიყვარდეს ყველა, ენდე რჩეულებს და არ გაუკეთო ბოროტება არავის.

კომენტარები


ეტალონი
„ეტალონში“ მიღწეული წარმატება მოსწავლეებისა და სრულიად სასკოლო საზოგადოებისთვის მნიშვნელოვანი მოვლენაა“
საპრიზო ადგილის მფლობელი მოსწავლეები, რესურსცენტრების ხელმძღვანელები, სკოლების დირექტორები და პედაგოგები კონკურსის ემოციების შესახებ საუბრობენ
სიახლეები
მასწავლებლების გამოცდაზე რეგისტრაცია აპრილის პირველ ნახევარში დაიწყება - NAEC
„განათლების სისტემაში ასეულობით ვაკანსია გვაქვს და ჰაერივით გვჭირდება ცოდნამიღებული ახალგაზრდები...“
ბრალდებულმა, მკვეთრი მანევრით, ნაპირიდან მოშორებით „ბანანი“ ამოატრიალა, რის შედეგადაც უჟილეტო ბავშვები ზღვაში ჩაცვივდნენ
პიროვნება
„ვფიქრობ მოსწავლეები დამახასიათებენ მეგობრულ, საყვარელ, სამართლიან მასწავლებლად“
„ბევრი ჩემი მოსწავლის ოჯახში ჩემი აღზრდილი სამი თაობა ცხოვრობს ერთად. ეს ბევრს ნიშნავს ჩემთვისაც და მათთვისაც“
„ვფიქრობ, ქარიზმა, შარმი, პიროვნული ხიბლი აუცილებელია მასწავლებლისთვის, სკოლის ლიდერისთვის“
სკოლები
კონკურსის მონაწილეები იყვნენ მე-9 და მე-10  კლასის მოსწავლეები: ნინო ყიფშიძე, მარიამ ნადირაძე, ქეთი გოგოლაძე, ლიზი ძინძიბაძე და მარიამ შეყლაშვილი
როგორც სკოლაში გვიყვებიან, დაჯილდოვდება ის მონაწილე, რომელმაც მაქსიმალური ქულის 70% და მეტი დააგროვა
მათ სხვადასხვა სახალისო აქტივობა განახორციელეს და დრო ნაყოფიერად გაატარეს
მოსწავლეების თვალი დანახული წელიწადის ყველაზე ფერადი სეზონი და საინტერესო გამოფენა - დღე, რომელიც მოსწავლეებისთვის ძალიან საინტერესო და დასამახსოვრებელი აღმოჩნდა
მოსწავლეებმა შესაძლებლობები გამოავლინეს, დრო ნაყოფიერად გაატარეს და რაც მთავარია, ცოდნა კიდევ უფრო გაიღრმავეს
საინტერესო
ამაზე საუბარი, რა თქმა უნდა, კვლევებიდან და მოსწავლეებისა თუ სტუდენტების შედეგებიდან გამომდინარე შეიძლება
საინტერესო შემთხვევაა ე.წ. მომთაბარე სკოლაც, სადაც ბავშვები განათლებას კარვებში იღებენ
სიახლეები
საზოგადოება