იოკიმე ბალახაშვილის სახელობის ადიგენის მუნიციპალიტეტის სოფელ უდის N1 საჯარო სკოლაში 2020-2021 სასწავლო წელი წარმატებით დასრულდა. სკოლაში, ბევრი სასახელო და მისაბაძი მოსწავლე სწავლობს და მათ ყოველ მიღწევას, სკოლა სიხარულით გვიზიარებს.

ამჯერად, მშობლიური სკოლა, მე-3 კლასის მოსწავლემ მირიან გზირიშვილმა ასახელა.

მირიან გზირიშვილი მონაწილეობდა „კინგსის“ მათემატიკის ოლიმპიადაში, სადაც წარმატებას მიაღწია კიდეც.

შედეგებიდან გამომდინარე, მირიანმა ბაკურიანში ერთ კვირიანი საგზური მოიპოვა.

საგზურის მიზანს წარმოადგენდა წარმატებული მოსწავლეების მომზადებას მათემატიკასა და ინგლისურ ენაში, საერთაშორისო ოლიმპიადაში მონაწილეობისათვის.

უდის N1 საჯარო სკოლა ამაყობს მირიან გზირიშვილის წარმატებით და სკოლის სასახელოდ კიდევ მეტ მიღწევას უსურვებს.