სიახლეები
საინტერესო

რა გავლენას ახდენენ კომპიუტერული თამაშები ბავშვის სწავლის უნარზე?
25-07-2021
-
+


ყველა კომპიუტერული თამაში საზიანოა? ნამდვილად ნეგატიური გავლენა აქვს თუ არა ბავშვის ფსიქიკაზე და აუარესებს თუ არა სწავლის უნარს? თქვენთვის თავი მოვუყარეთ ინფორმაციას ვიდეოთამაშების დადებით და უარყოფით მხარეებზე და აღმოჩნდა, რომ ვიდეოთამაშები შესაძლოა თქვენი შვილებისთვის სარგებლის მომტანიც იყოს. 

გასართობი ვიდეოთამაშები: შესაძლოა იყოს შემეცნებითი?

არსებობს ვიდეოთამაშების ორი სახეობა - საგანმანათლებლო და გასართობი. 

გასართობი, იგივე „ექშენ-თამაშები“ მოითხოვს სწრაფ რეაქციას და ხელებისა და თვალების მოძრაობების კოორდინაციას. ამიტომ, ბევრი მკვლევარი ცდილობს გაიგოს, რა სარგებლის მომტანი შეიძლება იყოს ასეთი ტიპის გასართობი. 

ადამიანები, რომლთაც „ექშენ-თამაშები“ იტაცებთ, ახასიათებთ გამახვილებული ვიზუალური ყურადღება და სივრცითი ორიენტაციის უნარი. ამის შესახებ ჟენევის უნივერსიტეტის პროფესორები - ს.გრინი და დ.ბავალე​ ნაშრომში - Exercising your brain წერენ. 

ასევე, ასეთი თამაშები დავალებიდან დავალებაზე მყისიერად გადასვლის, მცირე ზომის ობიექტების ამოცნობისა და რაიმეზე დიდი ხნით ფოკუსირების უნარს ავითარებენ. 

ბავშვებში კონცენტრაციის უნარის შესწავლისას, მოზარდებმა, რომლებიც კვლევაში ჩართვამდე ასეთი ტიპის თამაშებს თამაშობდნენ, აჩვენეს უკეთესი შედეგები, ვიდრე ბავშვებმა, რომლებიც არ თამაშობდნენ.

ვიდეოთამაშებში დატვირთვა - სისწრაფე ან სირთულე მუდმივად იზრდება. შედეგად სწავლა ხდება ინდივიდუალური და თითოეული საკუთარი შესაძლებლობების ზღვარზე თამაშობს.



ასეთი „ექშენ-თამაშები“ მოითხოვს მუდმივ ადაპტაციას, რადგან უფრო მაღალ საფეხურზე ახალი გარემო, ამოცანები და მოთხოვნები ჩნდება. ეს აყალიბებს ახლის სწავლის ჩვევას, რადგან მოთამაშეს უხდება სიახლეს დამოუკიდებლად მოერგოს.

მკვლევარების თქმით, მცდარია შეხედულება, რომ ვიდეოთამაშები ბავშვებს უფრო აგრესიულს ხდის. პირიქით, მათ შეუძლიათ ბავშვი გაართონ და გაუფანტონ მტკივნეული მოგონებები, ნეგატიური ემოციები და ასევე შეამცირონ შფოთვა. ამიტომ, თუ თქვენს შვილს სტომატოლოგის ეშინია, სეანსის წინ საყვარელი თამაში შესთავაზეთ. 

„ექშენ-თამაშების“ კიდევ ერთი დადებითი ეფექტი - დაგეგმვის უნარია. იმისთვის, რომ წარმატებით ითამაშო, საჭიროა შენი ქმედებების შედეგების პროგნოზირება და სტრატეგიულად აზროვნება. ხოლო, თუ თამაში დინამიურია, მაშინ გადაწყვეტილებები სწრაფად უნდა მიიღო. ეს უნარები კი საჭიროა არა ხოლოდ ვირტუალურ სამყაროში, არამედ რეალურ ცხოვრებაშიც.

გერმანელმა მეცნიერებმა ყველასთვის ნაცნობი თამაშის „სუპერ მარიოს“ ტვინზე გავლენა გამოიკვლიეს. ახალგაზრდა ადამიანების ჯგუფი ორი თვის მანძილზე, ყოველ დღე, 30 წუთი თამაშობდა. დასრულებისას მეცნიერებმა აღმოაჩინეს ნაცრისფერი ნივთიერების სიმკვრივის ზრდა ტვინის იმ ნაწილებში, რომლებიც დაკავშირებულია ნავიგაციასთან, სტრატეგიულ დაგეგმვასთან, მეხსიერებასა და მოტორულ ფუნქციებთან.



საგანმანათლებლო თამაშები: 

მართალია გასართობი თამაშები ნამდვილად არ შექმნილია სწავლის უნარების გასაუმჯობესებლად, მაგრამ ისე გამოვიდა, რომ მათი ეფექტურობა ცოტა უფრო მაღლაა საგანმანათლებლო თამაშებზე. სასწავლო კომპიუტერული თამაშები, როგორც წესი, განკუთვნილია კონკრეტული უნარის გაუმჯობესებისკენ. მაგალითად, ანბანის ან გარკვეული მათემატიკური ქმედებების სწავლისკენ ან მუშა მეხსიერების განვითარებისკენ.

როგორც გასართობი, ისე საგანმანათლებლო თამაშები მოითხოვს მუდმივ ადაპტაციას. ბრიტანელმა მეცნიერებმა ჩაატარეს კვლევა ბავშვების ჯგუფში, რომელთაც ცუდი მუშა მეხსიერება ჰქონდათ. კომპიუტერული თამაშების დახმარებით სწავლებას მუშა მეხსიერების მნიშვნელოვანი გაუმჯობესება მოჰყვა. ასევე მეხსიერების გასავითარებელი თამაშების შემდეგ ბავშვებს გაუუმჯობესდათ მათემატიკური ამოცანების შესრულების ხარისხი და კითხვის დონე.

არ დაუშვათ ბოროტად გამოყენება!

მომთხოვნი და ამავდროულად გასართობი ხასიათი კომპიუტერულ თამაშებს სწავლებისთვის ძლიერ ინსტრუმენტად აქცევს. ამიტომ, ასე მნიშვნელოვანია მათი ეფექტის კვლევა. მაგრამ მშობლებს არ უნდა დაავიწყდეთ: გასართობ თამაშებს, სარგებლის გარდა, უარყოფითი მხარეც აქვს. და მათი ყველაზე დიდი მინუსი - მათი ბოროტად გამოყენებაა. ამიტომ, მნიშვნელოვანია ბავშვებს ვასწავლოთ დროის პასუხისმგებლობით განაწილება-განკარგვა და არ დაგვავიწყდეს კონტროლი.


კომენტარები


ეტალონი
„ეტალონში“ მიღწეული წარმატება მოსწავლეებისა და სრულიად სასკოლო საზოგადოებისთვის მნიშვნელოვანი მოვლენაა“
საპრიზო ადგილის მფლობელი მოსწავლეები, რესურსცენტრების ხელმძღვანელები, სკოლების დირექტორები და პედაგოგები კონკურსის ემოციების შესახებ საუბრობენ
სიახლეები
მასწავლებლის მომზადების პროგრამაზე ჩარიცხულ 1422 პირს სახელმწიფო სასწავლო გრანტი მიენიჭება
„ძალიან დიდ ყურადღებას ვაქცევთ სხვადასხვა მნიშვნელოვან საკითხთან დაკავშირებით მოსწავლეთა ცნობიერების ამაღლებას“
რეგისტრაცია დაიწყო და 100 ლარი ღირს - NAEC ტესტირებას 10 აპრილს ჩაატარებს
გამარჯვებულები სიგელებით, დიპლომებითა და სპეციალური პრიზებით დაჯილდოვდებიან
ავტორიზირებული საჯარო და კერძო საბავშვო ბაღების სია ცნობილია
პიროვნება
პედაგოგის თქმით, მისთვის ყველაზე დიდი მიღწევა ის არის, რომ მისმა მოსწავლეებმა უნივერსიტეტი წარმატებით დაამთავრეს
სკოლები
მოსწავლეებმა რეალურ ცხოვრებასთან პარალელები გაავლეს და დღევანდელ ყოფაზე საინტერესოდ იმსჯელეს
მოსწავლეები სამუშაო პროცესში დიდი ინტერესითა და სიამოვნებით ჩაერთნენ, თავიანთი შესაძლებლობები წარმოაჩინეს და საინტერესო რესურსებიც შექმნეს
მოსწავლეებმა ამ დღესთან დაკავშირებით, საკუთარი შეხედულებები დააფიქსირეს
ჟიურიმ საუკეთესოდ მიიჩნია ქუთაისის N21 საჯარო სკოლის მოსწავლის, ანზორ იაშვილის ლექსი - „ახალი წელი სოფელში“
საბა ცაბაძე თავისუფალი უნივერსიტეტის, ხოლო ქრისტინე გოგოლიძე კავკასიის უნივერსიტეტის წარმატებული სტუდენტია
საინტერესო
ამაზე საუბარი, რა თქმა უნდა, კვლევებიდან და მოსწავლეებისა თუ სტუდენტების შედეგებიდან გამომდინარე შეიძლება
საინტერესო შემთხვევაა ე.წ. მომთაბარე სკოლაც, სადაც ბავშვები განათლებას კარვებში იღებენ
სიახლეები
საზოგადოება