ოტია იოსელიანის სახელობის წყალტუბოს N1 საჯარო სკოლის პედაგოგები პროფესიულ წინსვლასა და განვითარებაზე მუდმივად ზრუნავენ. სკოლის ოთხმა პედაგოგმა ტრენინგკურსი წარმატებით გაიარეს და სერტიფიკატები დაიმსახურეს.

USAID საბაზისო განათლების პროგრამის ფარგლებში 2020-2021 აკადემიურ წელს ოტია იოსელიანის სახელობის წყალტუბოს N1 საჯარო სკოლის ოთხმა პედაგოგებმა: თეა ჭუმბურიძემ, იამზე წულუკიძემ, მანანა წულაიამ და ნინო ლობჯანიძე-ლალიაშვილმა ლიდერი მასწავლებლის ტრენინგკურსი (პროგრამის ტრენინგ-პროვაიდერი აკაკი წერეთლის სახელმწიფო უნივერსიტეტი, ტრენერი იაგორი ბალანჩივაძე) წარმატებით გაიარეს.

კურსი დატვირთული იყო საინტერესო საკითხებით, როგორიცაა მოსწავლეთა კრიტიკული აზროვნების განვითარება, ინდივიდუალური მიდგომა, ინკლუზიური სწავლების საკითხები. ტრენინგის დროს პედაგოგები როგორც თეორიული, ასევე პრაქტიკული აქტივობებით იყვნენ დატვირთულნი. მათში აქტიური ჩართულობის შედეგად მასწავლებლემა წარმატებით დაძლიეს ტესტირება, რაც შესაბამისი სერტიფიკატებით აღინიშნა.

„ტრენინგკურსზე მიღებულ ცოდნა-გამოცდილებას უშურველად ვუზიარებდით კოლეგებს, მათთან ერთად ვამუშავებდით და განვიხილავდით ჩვენთვის საინტერესო და პრაქტიკაში ხშირად გამოსაყენებელ თემებს. ასეთივე ნაყოფიერი და საქმიანი თანამშრომლობა გაგრძელდება ახალ სასწავლო წელს“, - აღნიშნავენ პედაგოგები.