„ყვარლის ეტალონში“ საპრიზო ადგილებზე გასული თანაკლასელები ერთმანეთის წარმატებას გულწრფელად იზიარებენ
23.10.2017
საქართველოს ეროვნული ინტელექტ-ჩემპიონატი გრძელდება.

ამჯერად, „ყვარლის ეტალონი მოსწავლე“ გამოვლინდა.

ღონისძიებას ყვარლის მუნიციპალიტეტის საკრებულოს თავმჯდომარე ჯემალ შავერდაშვილი, ყვარლის მუნიციპალიტეტის გამგებლის მოადგილე ქეთევან ზაუტაშვილი, ყვარლის საგანმანათლებლო რესურსცენტრის უფროსი ქეთევან ჭიპაშვილი, ადგილობრივი ხელისუფლებისა და სკოლების წარმომადგენლები, დირექტორები, პედაგოგები, მოსწავლეები და მათი მშობლები ესწრებოდნენ.

''ყვარლის ეტალონი მოსწავლის'' ტიტულს წმინდა ილია მართლის სახელობის გიმნაზიის მე-9 კლასის მოსწავლე ანა გუშკაშვილი დაეუფლა.

ანა გუშკაშვილი თავის შთაბეჭდილებებს Etaloni.ge-ს  უზიარებს:

''ნამდვილად ვერ წარმოვიდგენდი, რომ გავიმარჯვებდი და ''ყვარლის ეტალონი მოსწავლე'' გავხდებოდი. თამაშის განმავლობაში ჩემი დამრიგებელი და კლასელები მგულშემატკივრობდნენ. მინდა აღვნიშნო, რომ მეორე ადგილზე ჩემი კლასელი მარიამ ხუციშვილი გავიდა. თავდაჯერებულობამ მომცა ის ძალა, რომ გამემარჯვა. მომავალ ''ეტალონელებს'' ვურჩევ, რომ შეეცადონ არ ინერვიულონ. მე რამდენიმე კითხვაზე ნერვიულობის გამო შევყონდი. ''ეტალონმა'' თავდაჯერებულობა შემმატა და გამიჩნდა იმის სურვილი, რომ კიდევ უფრო მეტი ვისწავლო.'' განაგრძეთ კითხვა


კომენტარები


სხვა სიახლეები
18.11.2017
ამის შესახებ უკრაინის უშიშროების სამსახური იუწყება
18.11.2017
ახლად დამტკიცებული საქალაქო სამსახურის ხელმძღვანელები და გამგებლები თბილისის მერთან ერთად მუშაობას ორშაბათიდან დაიწყებენ
შაბ, 18 ნოემბერი 2017
14:20