„ვულოცავ თითოეულ აბიტურიენტს, სკოლას და საქართველოს ასეთი ახალგაზრდების არსებობას“-პატარძეულის საჯარო სკოლის დირექტორის მილოცვა კურსდამთავრებულებს
01-09-2021
დაკოპირებულია
-
+
გიორგი ლეონიძის სახელობის საგარეჯოს მუნიციპალიტეტის სოფელ პატარძეულის საჯარო სკოლის კურსდამთავრებულთათვის, 2020-2021 სასწავლო წელი წარმატებული აღმოჩნდა და 16 აბიტურიენტიდან აბსოლუტური უმრავლესობა სასურველ უნივერსიტეტებში ჩაირიცხა.
„გილოცავთ! პატარძეულის საჯარო სკოლის 2020-21 სასწავლო წლის გამოშვებამ ნამდვილი ვარსკვლავთცვენა მოაწყო.16 აბიტურიენტიდან აბსოლუტური უმრავლესობა სასურველ უნივერსიტეტებში ჩაირიცხა. გრანტოსანთა მონაპოვარიც შთამბეჭდავია. 70% და 50% დაფინანსებასთან ერთად ჩვენმა ხუთმა აბიტურიენტმა სასურველ ფაკულტეტებზე გადაწყვიტა უმაღლესი განათლების მიღება, ხოლო ყოფილმა წარმატებულმა ეტალონელმა, ლუკა კოტორაშვილმა აქაც მოხსნა რეკორდი - თბილისის სახელმწიფო უნივერსიტეტში სრული დაფინანსებით 100% -ით ჩაირიცხა. უპირველესად ეს არის პედაგოგების თავდაუზოგავი შრომის ფასი, რისთვისაც დიდ მადლობას ვუხდი მათ, ხოლო თავად კი დაამტკიცეს, რომ „გონიერსა მწვრთნელი უყვარს...“ ვულოცავ თითოეულ აბიტურიენტს, სკოლას და სრულიად საქართველოს ასეთი ახალგაზრდების არსებობას. წარმატებული მომავალი მეგობრებო და ჩვენი ტრადიციული ფრაზა, „აღმართები ერთად აირბინეთ და დაღმართებზე ხელი შეაშველეთ ერთმანეთს!“ არ გქონოდეთ დაღმართები..“ - ასეთი, უსაზღვრო სიყვარულით ულოცავს, პატარძეულის საჯარო სკოლის დირექტორი, ნინო ბურდიაშვილი კურსდამთავრებულებს სტუდენტობას.