15 სექტემბერს ახალი სასწავლო წელი საქართველოში დისტანციურად დაიწყო. ოზურგეთის მუნიციპალიტეტის სოფელ ზემო ნატანების საჯარო სკოლა სწავლის დაწყებას მომზადებული შეხვდა. სკოლის დირექტორი ლაშა ბოლქვაძე სასკოლო საზოგადოებას საგანმანათლებლო პროცესის განახლებას ულოცავს და იმედს გამოთქვამს, რომ მალე მოსწავლეები საკლასო ოთახებში დაბრუნდებიან. 

„ზემო ნატანების საჯარო სკოლის მოსწავლეებს, მათ მშობლებს, პედაგოგებს, სკოლის თანამშრომლებს ვულოცავ ახალი სასწავლო წლის დაწყებას და ვუსურვებ წარმატებებს.
განსაკუთრებით ვულოცავ წლევანდელ პირველკლასელებს, რომლებიც ოთხ ოქტომბერს შეუერთდებიან სასწავლო პროცესს.
კიდევ ერთხელ ვულოცავ სკოლის კურსდამთავრებულებს სტუდენტობას, პროფესიულ სასწავლებლებში სწავლის გაგრძელებას და ქვეყნის სადარაჯოზე სავალდებულო სამხედრო სამსახურში წასვლას.
იმედია მალე სკოლის კედლებში გავაგრძელებთ აქტიურ სასწავლო პროცესს“,- წერს დირექტორი.