ნინოწმინდის მუნიციპალიტეტის სოფელ ჟდანოვის საჯარო სკოლის მოსწავლეებმა საქართველოს ეროვნულ ინტელექტ-ჩემპიონატ „ეტალონში“ წარმატებით იასპარეზეს.

ნინოწმინდის მუნიციპალიტეტის დისტანციური კონკურსის II ეტაპში წარმატებული მონაწილეობისთვის ოქროს სიგელი მოსწავლეებმა - რუბენ ხანჩალიანმა (VIII კლასი) და ეგორ ანტანოსიანმა (IX კლასი) დაიმსახურეს.

ჩემპიონატის მონაწილეებს - ნელი დუმოიანს (X კლასი), ანი ანტანოსიანს(X კლასი), ოღიდარ ანტანოსიანს (X კლასი), მკრტიჩ ხაჩატრიანს (X კლასი), იშხან ხალაჩიანს (IX კლასი), არწვიკ მკოიანს (IX კლასი) და ალიტა ანტანოსიანს (IX კლასი) „ეტალონის“ სპეციალური ონლაინ სიგელები გადაეცათ.

29 სექტემბერს საქართველოს ეროვნული ინტელექტ-ჩემპიონატი „ეტალონი“ დისტანციურ რეჟიმში ნინოწმინდელი მოსწავლეებისთვის ჩატარდა. ინტელექტუალურ კონკურსში ნინოწმინდის მუნიციპალიტეტის სკოლების მე-8, მე-9, მე-10 და მე-11 კლასის მოსწავლეები ჩაერთნენ. 

კონკურსის პირველი ეტაპის შედეგების მიხედვით შეირჩა 77 მოსწავლე, რომლებიც ერთმანეთს „ნინოწმინდის ეტალონი მოსწავლის“ ტიტულისთვის შეეჯიბრნენ. კონკურსის II ეტაპი 30 სექტემბერს 10:00 საათიდან 16:00 საათამდე კვლავ დისტანციურ რეჟიმში გაიმართა.

იხილეთ ფოტოები: