კალაძე: ''გაგარინის #10-ში მცხოვრები მოსახლეობის ქირის ხარჯებს მერია თავის თავზე აიღებს, აუცილებელია ამ სახლის დემონტაჟი''
14.11.2017
კომუნიკაცია შედგა ადგილობრივ მოსახლეობასთან და მოხდა მათი გაყვანა. ყველა ხარჯს მერია თავის თავზე აიღებს. ეს არის ქირის ხარჯები, - ამის შესახებ თბილისის ახლად არჩეულმა მერმა კახა კალაძემ განაცხადა, რითაც გაგარინის ქუჩაზე მდებარე სახლთან დაკავშირებით დასმულ კითხვას უპასუხა. როგორც თბილისის მერმა აღნიშნა, მოსახლეობასთან მოლაპარაკება შედგა.

„რაც შეეხება კონკრეტულ სახლს გაგარინის #10-ში, აუცილებელია მისი დემონტაჟი, რადგან ადამიანების სიცოცხლისთვის საფრთხეს წარმოადგენს, ძალიან ბევრია ასეთი სახლები, შეიძლება ითქვას, რომ ყველა რაიონში არსებობს ავარიული სახლები. რაც შეეხება ჩვენს მიდგომას, ერთი არის ის, რომ ჩვენ ვაწარმოებთ რეაბილიტაციას, გამაგრებით სამუშაოებს და მეორე არის ის, რომ ინვესტორებს აუცილებლად შევუწყობთ ხელს, რომ პირადად აწარმოონ მოლაპარაკებები ამ ადამიანებთან და დათანხმების შემთხვევაში, სადაც თანხვედრაში მოვა ინვესტორის და ადგილობრივი მოსახლეობის ინტერესი, მერიის მხრიდან იქნება თანადგომა, რომ ახალი საცხოვრებელი კორპუსები აშენდეს და დააკმაყოფილოს ის ადამიანები, რომლებიც კონკრეტულ ადგილას ცხოვრობენ”, - განაცხადა კახა კალაძემ.

გაგარინის #10-ში მდებარე სახლში, რომელიც ნგრევის პირას არის, 18 ოჯახი ცხოვრობს. ავარიული მდგომარეობის გამო, სახლის მიმდებარე ტერიტორია, სპეციალური ლენტით არის შემოსაზღვრული.  


კომენტარები


სხვა სიახლეები
18.11.2017
ამის შესახებ უკრაინის უშიშროების სამსახური იუწყება
18.11.2017
ახლად დამტკიცებული საქალაქო სამსახურის ხელმძღვანელები და გამგებლები თბილისის მერთან ერთად მუშაობას ორშაბათიდან დაიწყებენ
შაბ, 18 ნოემბერი 2017
14:24