2 წლის განმავლობაში ტექდათვალიერება ყველა მანქანას მოუწევს
14.11.2017

ეკონომიკის მინისტრის მოადგილე გიორგი ჩერქეზიშვილი სავალდებულო ტექდათვალიერებასთან დაკავშირებით დღეს გავრცელებულ ინფორმაციაზე დამატებით განმარტებას აკეთებს.

ჩერქეზიშვილის თქმით, ახალი წლიდან ტექდათვალიერება ყველას მოუწევს.

"ჩვენ ვაცხადებთ, რომ 2018 წლის 1-ელი იანვრიდან რეფორმა იწყება და მომდევნო 2 წლის განმავლობაში ყველა ავტოსატრანსპორტო საშუალება პერიოდულ ტექნიკურ ინსპექტირებას დაექვემდებარება. დღეს არსებობენ ავტოსატრანსპორტო საშუალებები, რომელთაც ტექნიკური ინსპექტირების გავლა წელიწადში ორჯერ უწევთ, რაც მისი მახასიათებლებიდან გამომდინარეობს. აღნიშნული მუხლის კანონიდან ამოღება გამოწვეულია იმით, რომ მთავრობამ უნდა განიხილოს ტექნიკური რეგლამენტი, როგორც ტექნიკური ინსპექტირების ცენტრებისათვის და იქ მომუშავე ადამიანებისთვის, ასევე თვითონ ავტოსატრანსპორტო საშუალებებისათვის. აღნიშნული ჩანაწერის კანონში დატოვება გამოიწვევევდა იმას, რომ მეორე დღესვე ყველა ავტოსატრანსპორტო საშუალება იქნებოდა დაჯარიმებული. აღნიშნული ნორმის დატოვება ნიშნავს იმას, რომ 1 200 000 ავტოსატრანსპორტო საშუალება 1-ელი იანვრისათვის ინსპექტირებაზე უნდა მიიყვანონ. კეთდება გრაფიკი, რომლის მიხედვით 2 წლის განმავლობაში ყველას მოუწევს ტექნიკური ინსპექტირების გავლა", - განმარტა გიორგი ჩერქეზიშვილმა. 

საგზაო მოძრაობის შესახებ კანონიდან ის ნორმა გაუქმდება, რომლის მიხედვით, გზისთვის ვარგისიანობაზე ტესტირებას 2018 წლიდან საქართველოს ტერიტორიაზე ექსპლუატაციაში არსებული და საქართველოში რეგისტრირებული ყველა მანქანა უნდა დაექვემდებაროს. ამ გადაწყვეტილების მიზეზი ის არის, რომ 2018 წლის პირველი იანვრიდან, პერიოდულ ტექნიკურ ინსპექტირებას, 8 ადგილზე მეტი ტევადობის სამგზავრო და 3 ტონანახევარზე მეტი მასის ავტომობილები დაექვემდებარებიან.

ავტოსატრანსპორტო საშუალებების სავალდებულო ტექნიკური ინსპექტირება1 იანვრიდან ამოქმედდება.



კომენტარები


სხვა სიახლეები
18.11.2017
ამის შესახებ უკრაინის უშიშროების სამსახური იუწყება
18.11.2017
ახლად დამტკიცებული საქალაქო სამსახურის ხელმძღვანელები და გამგებლები თბილისის მერთან ერთად მუშაობას ორშაბათიდან დაიწყებენ
შაბ, 18 ნოემბერი 2017
14:19